«Sudna moža chadzić pad rasijskim ściaham». Mintrans choča pabudavać novy kruizny ciepłachod dla płavańnia pa Prypiaci
Mintrans maje namier zrabić novaje turystyčnaje račnoje sudna i zapuścić jaho pa kruiznym maršrucie pa Prypiaci, jaki ličycca samym paśpiachovym z kamiercyjnaha punktu hledžańnia. Pra heta paviedamlaje Respublikanski sajuz turystyčnaj industryi (RSTI).
Novy karabiel moža być pabudavany na Pinskim sudnabudaŭniča-sudnaramontnym zavodzie. Ale pakolki ŭ Biełarusi ŭžo praktyčna nie zastałosia śpiecyjalistaŭ dla sudnabudavańnia, to ich majuć namier zaprasić z Rasii ŭ kolkaści 30-40 čałaviek, i «my hatovyja pad hetu spravu zavod zatanna addać»:
«Niama sensu 5 hadoŭ karabiel budavać, jak heta było z «Biełaj Ruśsiu», jaho treba za 9 miesiacaŭ sabrać i na vadu spuścić. Pry hetym sudna moža chadzić pad rasijskim ściaham. Padpisana pahadnieńnie, jakoje dazvalaje zarehistravać karabiel u rasijskim rejestry sudnaŭ, i heta moža być całkam rasijski abjekt. A ŭ nas budzie svabodnaje parachodstva dla ich», — zajaviŭ načalnik upraŭleńnia marskoha i račnoha transpartu Mintransa Andrej Čarnabylec.
Novaje sudna mahło b chadzić pa tym ža maršrucie, pa jakim ciapier chodzić «Biełaja Ruś» — adziny kruizny ciepłachod, jaki ciapier jość u Biełarusi. Jon spuščany na vadu ŭ 2017 hodzie.
Užo viasnoj usie kajuty ŭ hetym kruizie vykuplajucca da kanca siezona, prytym što ich košt — ad 1,5 da 3,6 tysiač rubloŭ na adnaho čałavieka. Asnoŭny kantynhient padarožnikaŭ — rasijanie.
«Ja nie chaču adpuskać žyćcio». U piśmieńnicy Śviatłany Kurs rak na poźniaj stadyi10
Kamientary