Пасля тылавых выпрабаванняў новы ўкраінскі БПЛА SpyGun перадалі для тэставання ў зону баявых дзеянняў. Ён прызначаны для глыбіннай разведкі, але пры неабходнасці яго можна выкарыстоўваць і для карэкціроўкі агню, тлумачаць у Галоўным упраўленні разведкі.
БПЛА стварылі ўкраінскія інжынеры і праекціроўшчыкі па ініцыятыве прадпрымальніка і валанцёра Юрыя Голіка і тэнісіста, а цяпер вайскоўца УСУ Сяргея Стахоўскага, піша «Украінская праўда».
Комплекс складаецца з двух беспілотных лятальных апаратаў і наземнай станцыі кіравання.
Дзякуючы сучаснай сістэме радыёкіравання з высокім узроўнем абароны ад перашкод РЭБ, самалёт-разведчык здольны працаваць на далёкасці да 50-ці кіламетраў.
Беспілотнік SpyGun абсталяваны сістэмай аўтаматычнага вяртання да месца ўзлёту, а высокія аэрадынамічныя характарыстыкі дазваляюць яму планіраваць абраным маршрутам з выключаным рухавіком, эканомячы зарад акумулятара.
- Час палёту без пасадкі — 120—160 хвілін.
- Максімальная вышыня палёту — 1 500 м.
- Рабочая вышыня — 500—600 м.
- Хуткасць — 90 км/г.
- Камеры — курсавая анлайн і GoPro.
Запіс фота і відэа ажыццяўляецца на бартавы носьбіт.
БПЛА SpyGun адносна недарагі і нескладаны ў вытворчасці з простым дызайнам корпуса, што робіць «шпіёна» непрыкметным у небе падчас працы, адзначаюць у ГУР.
«Мы даём Штатам тое, што яны хочуць». Расійскі канал апублікаваў відэа, якое называюць запісам Рыжанкова схаванай камерай у машыне14
Каментары