Абноўленая Lada Vesta, новы брэнд з Ірана і Кітая. Бюджэтныя аўто ў беларускіх аўтасалонах
Другая палова жніўня аказалася насычанай на аўтамабільныя навінкі ў бюджэтным сегменце. У салоны «Лада» паступілі ў продаж Lada Vesta NG, у Мінску адкрылі шоурум іранскага брэнда Saipa, а на заводзе «Юнісан» хутка пачнуць выпускаць красоверы яшчэ аднаго кітайскага брэнда.
Бестсэлер зноў у продажы
У дылераў Lada ў продажы з'явілася абноўленая Vesta — Vesta NG. Яна стане адным з самых танных аўтамабіляў, якія можна купіць новымі ў Беларусі. Цэны на Vesta NG пачынаюцца з 44 100 рублёў, што па бягучым курсе складае каля 14 тысяч даляраў ЗША. Столькі каштуе аўтамабіль у кузаве седан у пачатковай камплектацыі Comfort. За камплектацыю Life прыйдзецца выкласці 45 400 рублёў (≈$14 450) і 49 тысяч рублёў роўна (≈$15 600) за версію Enjoy.
З'яўленне ў продажы абноўленай Vesta можна назваць знакавай падзеяй, бо менавіта Lada Vesta была самым прадаваным новым легкавіком у Беларусі, пачынаючы з 2018 года.
Найбліжэйшы канкурэнт «Весты» — беларуска-кітайскі седан Geely Emgrand. Цэны на яго пачынаюцца з 49 200 рублёў (≈$15 650) за аўто ў камплектацыі Standart з механічнай КПП. І ад 56 900 рублёў (≈$18100) за аўто з АКПП у камплектацыі Flagship. Адзначым, што ў адрозненне ад Geely Emgrand Lada Vesta NG прынамсі пакуль дасяжная толькі з МКПП.
Прывітанне з Ірана 2.0
У тэорыі, канкурэнцыю расійскай Lada апроч беларуска-кітайскай Geely можа скласці іранскі брэнд Saipa. Першы шоурум якога адкрылі ў Мінску. Дакладныя цэны пакуль не вядомыя, але раней агучвалі, што самыя даступныя Saipa будуць танней за $13 тысяч. Пры ўмове, што аўтамабілі будуць збіраць у Беларусі. Наколькі вядома — на заводзе «Юнісан» пад Мінскам сапраўды збіраюцца запусціць вытворчасць іранскіх аўто.
Нагадаем, што калі задуманае здзейсніцца, то гэта будзе ўжо другая спроба Ірана і Беларусі наладзіць вытворчасць іранскіх аўто ў нашай краіне. Першая спроба поспехам не ўвянчалася.
Аўтамабілі Iran Khodro Samand вырабляліся ў Беларусі з 2007 года. У 2007-м планавалі сабраць 6000 машын, а ў перспектыве — 50-60 тысяч машын у год, але нешта пайшло не так. Вытворчасць была згорнутая ў 2013 годзе.
Кітаізацыя аўтарынку працягваецца
Апроч гэтага намеснік прэм'ер-міністра Пятро Пархомчык днямі заявіў, што на заводзе «Юнісан» неўзабаве пачнуць выпускаць аўтамабілі яшчэ адной кітайскай маркі. Па ягоных словах, гэтыя машыны не будуць перасякацца з прадукцыяй «Белджы». Красоверы новай маркі будуць больш дарагія.
Што гэта будзе за брэнд — дакладна не вядома, але журналісты выказваюць здагадкі, што гэта можа быць марка Hongqi. Здагадкі грунтуюцца на тым, што ў картэжы Лукашэнкі ў Кітаі быў лімузін гэтай маркі, а сам Лукашэнка тады правёў перамовы з кіраўніцтвам мацярынскай кампаніі FAW.
За колькі перапрадаюць «блатныя» аўтамабільныя нумары? Цэны ўражваюць
Мінская фірма прапануе машыны з Еўропы на замову па нерэальна нізкіх цэнах. У чым падвох?
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»47
«Няма ў нас іншых беларусаў». Лідар «Драздоў» заклікаў дараваць тым, хто «не там лайк паставіў»
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра2626
Каментары
Плюс подтверждение аксиомы, что русские не могли и не могут, сами, сделать легковой автомобиль
В СССР, либо фиат под видом лады (жигулей), либо москвич в виде бмв 1956 года.
Как и полуторка и зисы были фордами разных годов выпуска.
А теперь, совмин РФ, разрешил использовать, в промышленности РФ, госты и стандарты СССР, стандарты 80-х годов прошлого столетия.
Ах да, они даже фильмы снимают про назад в прошлое. Такими темпами точно к главным скрепам провалятся, к лучине, землянке, лаптям, балалайке и игре на ложках