«З'явілася куча праўдаў». Макс Корж запісаў маналог — вось пра што ён
Спявак Макс Корж выпусціў відэа, у якім дзеліцца сваімі развагамі пра жыццё і даводзіць, што магчымасць «жыць у кайф» скончылася і мы вярнуліся ў «жывёльны свет». Знаёмім з асноўнымі думкамі.
У 16-хвілінным маналогу спевака шмат намёкаў, пафасу і лірыкі.
«Дзе вы, людзі, добрыя людзі, якіх я ўсё жыццё сустракаў на сваім шляху?» — задаецца пытаннем Корж.
«Кожны з нас згубіў веру ў людзей. Кожны з нас знаходзіцца ў падвешаным стане. Аб тое, на чым трымаўся наш свет, аб усе нашы каштоўнасці выцерлі ногі. З'явілася куча праўдаў», — кажа Корж.
Спявак шкадуе, што гэтыя «яны» разбурылі звыклы свет, дзе бачылася будучыня.
«Мы надта добра жылі ў свеце «жыць у кайф». Хто зацягнуў нас назад, назад у «жывёльны свет»? Як у іх атрымалася вярнуць нас туды, дзе быць мярзотнікам — гэта легальна, дзе быць нядобрым чалавекам заахвочваецца?»
Гэтыя «яны», працягвае Корж, заўсёды былі побач.
«Паверце, іх не так шмат, але іх дастаткова, каб спаганіць нам жыццё. Гэта з-за іх сёння людзі патанаюць у крыві.
Колькі гора яны прынеслі, колькі семʼяў разбурылі, колькі лёсаў. Пры ўсім пры гэтым ім яшчэ хапае нахабнасці абвінавачваць саміх жа людзей у тым, што адбываецца навокал».
Корж прызнаецца, што больш за ўсё яго ўражваюць простыя людзі, якія пачынаюць гаварыць «іх» словамі.
«Працягвайце, нягледзячы ні на што. Няхай гавораць: «Так, як раней, ужо не будзе». У нас з вамі дакладна будзе. Нармальных людзей па-ранейшаму большасць», — кажа спявак сваім аднадумцам.
Ён нагадвае, што ў кожнага ёсць сябры і сям'я. А трымацца дапаможа музыка.
«Яны забралі ўсё. Яны забралі нават інтэрнэт. Але адзінае, чаго яны не могуць у нас забраць, — гэта музыка».
Чытайце яшчэ:
«Не сосчитать уж тут в пакетах тел». Макс Корж прэзентаваў новую песню
Рыга пачынае падрыхтоўку да грандыёзнага канцэрта Макса Каржа. Плануецца ўдзел больш за 35 тысяч наведнікаў
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары