«Я бачу, што мы збліжаемся». Эйсмант распавёў, што расіян у беларускім тэлеэфіры стане яшчэ больш
Расіяне хочуць ствараць сумесны з беларусамі забаўляльны кантэнт, а беларусы зацікаўлены ў экспертах. Пра гэта паведаміў журналістам старшыня Белтэлерадыёкампаніі Іван Эйсмант, піша «Спутнік».
«Вельмі вялікая цікавасць у расійскіх інтэрнэт-платформ да нашага праекта «Фактор.бай». Яны прыязджалі сюды, былі перамовы і збіраюцца ўвайсці ў гэты сезон са сваімі магчымасцямі. Што датычыцца глабальных праектаў, мы адкрыты да ўсяго, але для гэтага трэба сустракацца з найбуйнейшымі топ-менеджарамі расійскіх тэлекампаній і нешта абмяркоўваць. Але ў цэлым я бачу, вядома, што мы збліжаемся», — распавёў Эйсмант, адказваючы на пытанне пра планы супрацоўніцтва «Белтэлерадыёкампаніі» з расійскімі тэлеканаламі.
Паводле яго, працягнецца практыка запрашэння расійскіх экспертаў у беларускі тэлеэфір.
«Гэта новае дыханне і думкі», — сказаў кіраўнік «Белтэлерадыёкампаніі».
Ён расказаў, што ўжо ёсць цэлы спіс спецыялістаў, якіх Мінск будзе запрашаць для таго, каб пашырыць экспертную супольнасць.
Акрамя таго, на БТ будуць рабіць упор на «аўтарскую журналістыку», спасылаючыся на Лукашэнку, які сказаў, што «ідзе вайна інфармацыйная, і, калі мы яе прайграем, — акунемся ў вайну сапраўдную».
«Таму аўтарская журналістыка выходзіць на першы план», — сказала намесніца галоўнага дырэктара АТН Вольга Макей.
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся3
Памятаеце пару студэнткі і выкладчыка духоўнага вучылішча, які старэйшы за яе на 31 год? Яны разбегліся
Электронную «Беларускую энцыклапедыю», створаную як прастору «верагодных ведаў пра Беларусь», ціха ліквідавалі разам з рэдакцыяй. Купу артыкулаў перадалі Гігіну77
Каментары