Чаму вызваленне Андрэеўкі, ад якой не засталося жывога месца, важнае для УСУ
Гэта прынцыповая лагістычная артэрыя для расійскіх войскаў.
Яшчэ 20 мая расійскія ўлады заявілі, што Бахмут цалкам узяты. Аднак украінскае вайсковае камандаванне распаўсюдзіла ўласную заяву. Камандуючы Усходняй групоўкай войскаў генерал Аляксандр Сырскі спрагназаваў, што расейцы тут «патрапяць у пастку», нагадвае Бі-бі-сі.
Рэч у тым, што ў сярэдзіне мая УСУ пачалі актыўны рух на флангах Бахмута — з мэтай узяць расійскі гарнізон у аператыўнае акружэнне. Найважнейшы ўчастак тут праходзіць побач з сёламі Кляшчэеўка, Андрэеўка і Курдзюмаўка. Яны ляжаць побач з чыгункай і аўтадарогай (Т0513), якая злучае Бахмут з акупаванай Горлаўкай.
Гэта прынцыповая лагістычная артэрыя для расійскіх войскаў. Яе пераразанне паставіць войска РФ у вельмі цяжкае становішча ў Бахмуце і суседнім Салядары.
Уласна, адносна бяспечнай у такім выпадку застаецца толькі адна траса — на мястэчка Папасная. Але калі пасля вызвалення Кляшчэеўкі, Андрэеўкі і Курдзюмаўкі ўкраінскія сілы працягнуць рух на ўсход, то цалкам імаверна, што возьмуць яе пад агнявы кантроль.
Тады расійскія вайскоўцы будуць вымушаныя тэрмінова выводзіць свае войскі з Бахмута, каб не патрапіць у поўнае акружэнне.
Уласна, менавіта каля Андрэеўкі байцам УСУ і ўдалося ў сярэдзіне ліпеня прарваць абарончыя парадкі праціўніка і перасекчы канал Северскі Данец — Данбас.
Так яны стварылі плацдарм на яго ўсходнім беразе, а затым украінскія вайскоўцы пачалі паступова выцясняць расійскія сілы з тэрыторыі паміж Кляшчэеўкай і Андрэеўкай.
Войскі РФ спрабавалі контратакаваць, але ўсе спробы пацярпелі няўдачу.
Цяпер чытаюць
Лукашэнка: Мы хочам з Пакістана спецыялістаў, а не проста моладзь. І найперш у Баранавічы32
Каментары