Ціханоўская прысвяціла прэмію Парламенцкай асамблеі НАТА беларускім жанчынам
Сёння Святлана Ціханоўская атрымала прэмію ад Парламенцкай асамблеі НАТА «Жанчыны — за мір і бяспеку». Яе ўручаюць жанчынам, якія ўнеслі адметны ўнёсак у фармаванне бяспечнага свету.
Ціханоўская прысвяціла яе ўсім беларускім жанчынам:
Прымаючы сёння гэтую ўзнагароду, Ціханоўская сказала, што не можа не думаць пра ізраільскіх мужчын і жанчын, узятых у закладнікі тэрарыстамі. Яна выказала спадзяванне, што ўсе палонныя паспяхова вернуцца дадому.
«Нашыя жанчыны — палітвязні — таксама закладніцы. Закладніцы тэрарыстычнага рэжыму Лукашэнкі. Іх трымаюць без сувязі са знешнім светам, да іх не дапускаюць адвакатаў і адмаўляюць у медычнай дапамозе. Гэта ўзнагарода Паліны Шарэнда-Панасюк і іншых жанчын, як яна.
Наталля Пінчук, жонка Нобелеўскага лаўрэата Алеся Бяляцкага, гэта і вашая ўзнагарода.
Я сама жонка палітвязня і добра ведаю, як гэта. Такіх жанчын, як мы, у Беларусі тысячы. І гэта таксама іх узнагарода.
Ёсць яшчэ шмат жанчын, хто за мяне галасаваў, і дагэтуль працягвае верыць у нашую перамогу. Ім усім я хачу прысвяціць гэтую прэмію», — сказала Ціханоўская.
Святлана Ціханоўская знаходзіцца цяпер з візітам у Даніі, дзе сустрэлася з кронпрынцам і беларускай дыяспарай.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам25
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары
Вы посмотрите на этих "политзаключенных" в Израиле.
Например, Мариан Баргути, осужден израильским судом к 5 пожизненным заключениям за совершённые в ходе терактов убийства 5 человек, и к 40 годам за покушение на убийства.
Вы сравниваете паоестинских боевиков-террористов с политзаключенными в Беларуси, которых посадили за комментарий в фжйсбуке или БЧБ-символику.