У Бразіліі дзяўчыну кінулі з 40‑метровай вышыні, забыўшыся замацаваць ахоўны канат
У бразільскім штаце Сан-Паўлу 21‑гадовая дзяўчына загінула падчас скачка з канатам з 40‑метровага моста. Арганізатары забыліся надзець на яе рыштунак.
Няшчасны выпадак адбыўся ў суботу, 13 чэрвеня. 21‑гадовая Марыя Эдуарда Радрыгес дэ Фрэйтас загінула падчас экстрэмальнага скачка з вышыні. Арганізатары палічылі яе гатовай і адправілі ў вольнае падзенне, наогул не прымацаваўшы ахоўны рыштунак.
Пасля таго як яе кінулі і з моста, прысутныя заўважылі страшную памылку. На відэазапісах, якія трапілі ў сацыяльныя сеткі, чуваць, як сведкі ў адчаі пачалі крычаць, што вяроўка засталася на платформе.
Ад атрыманых пры падзенні з 40‑метровай вышыні траўмаў дзяўчына памерла на месцы.
Паліцыя затрымала шэсць чалавек.
Каментары