Адразу пасля таго мае адкрыцца Армузскі праліў.
«Падпісанне ўгоды запланавана на заўтра. Адразу ж пасля падпісання Армузскі праліў адкрыецца для ўсіх», — напісаў прэзідэнт ЗША Дональд Трамп у сацсетцы Truth Social.
Трамп таксама сказаў, што разлічвае знішчыць іранскі высокаўзбагачаны ўран пасля падпісання пагаднення з Тэгеранам.
«У прыдатны момант, калі ўсё супакоіцца, мы ўвойдзем і забяром ядзерны пыл, пахаваны глыбока пад магутнымі гранітнымі гарамі, […] і знішчым яго, ці то ў Іране, ці то ў Злучаных Штатах. Мы разлічваем на доўгатэрміновае супрацоўніцтва з Іранам і ўсім Блізкім Усходам», — напісаў Трамп, дадаўшы, што спадзяецца, што яму больш не прыйдзецца прымяняць сілу ў дачыненні да Ірана.
«Спадзяюся, што працэс пройдзе хутка, лёгка і без ускладненняў. У адваротным выпадку мы заўсёды можам выкарыстаць альтэрнатыўны метад. Спадзяюся, больш да гэтага звяртацца не прыйдзецца», — заявіў прэзідэнт ЗША.
Перад гэтым прадстаўнік МЗС Ірана Ісмаіл Багаі паведаміў, што падпісанне мемарандума аб пачатку ўрэгулявання крызісу паміж ЗША і Іранам у нядзелю не адбудзецца, аднак гэта можа здарыцца ў найбліжэйшыя дні.
Цяпер чытаюць
Пасадзілі адваката Дзмітрыя Лаеўскага, які абараняў Бабарыку і Знака8
Пасадзілі адваката Дзмітрыя Лаеўскага, які абараняў Бабарыку і Знака
«Беларусь яны бачаць часткай Расіі». Што значыць уздым «Альтэрнатывы для Германіі», наколькі далёка гэта можа зайсці і як сябе пазіцыянаваць беларусам5151
Каментары