Мінская кампанія «Аліварыя», якая ўваходзіць у міжнародную карпарацыю Carlsberg Group, пачала вытворчасць вядомага французскага брэнда Kronenbourg 1664 Blanc. Пра гэта прэс-служба «Аліварыі» расказала выданню Office Life.
У кампаніі ўдакладнілі, што ў «Аліварыі» ёсць выключнае права прадстаўляць міжнародныя брэнды на тэрыторыі Беларусі. Некалькі з іх ужо лакалізаваныя.
Гендырэктар кампаніі Ілья Крапівін адзначыў, што ва ўмовах ускладненай лагістыкі лакальная вытворчасць — найбольш камерцыйна апраўданы варыянт для бізнэсу. Таксама ён паведаміў, што праект па лакалізацыі «1664 Blanc» заняў практычна год. Сумесна з піваварамі кампаніі «Аліварыя» працэс курыраваў Дэры Унвер, старшы менеджар па піваварных прадуктах Цэнтра інавацый і даследаванняў Carlsberg Group, які размешчаны на бровары Kronenbourg у французскім горадзе Абернэ.
Акрамя таго, для выканання ўсіх умоў лакалізацыі спатрэбіліся інвестыцыі ва ўстаноўку абсталявання: сістэмы дазацыі і дадатковага дражджавога танка. Рэч у тым, што пры вытворчасці «1664 Blanc» павінны выкарыстоўвацца асаблівыя «імянныя» дрожджы Kronenbourg, прытым не ніжэй за першую генерацыю. Дрожджы для гэтага гатунку, як і для іншых, што вырабляюцца на заводзе «Аліварыя», даставілі з Даніі з цэнтральнай лабараторыі групы Carlsberg.
Цяпер чытаюць
«Яна даўнавата ў Беларусі». Бацька Анжалікі Мельнікавай прызнаўся, што яна жывая і здаровая90
Каментары