Minskaja kampanija «Alivaryja», jakaja ŭvachodzić u mižnarodnuju karparacyju Carlsberg Group, pačała vytvorčaść viadomaha francuzskaha brenda Kronenbourg 1664 Blanc. Pra heta pres-słužba «Alivaryi» raskazała vydańniu Office Life.
U kampanii ŭdakładnili, što ŭ «Alivaryi» jość vyklučnaje prava pradstaŭlać mižnarodnyja brendy na terytoryi Biełarusi. Niekalki ź ich užo łakalizavanyja.
Hiendyrektar kampanii Ilja Krapivin adznačyŭ, što va ŭmovach uskładnienaj łahistyki łakalnaja vytvorčaść — najbolš kamiercyjna apraŭdany varyjant dla biznesu. Taksama jon paviedamiŭ, što prajekt pa łakalizacyi «1664 Blanc» zaniaŭ praktyčna hod. Sumiesna ź pivavarami kampanii «Alivaryja» praces kuryravaŭ Dery Unvier, staršy mieniedžar pa pivavarnych praduktach Centra inavacyj i daśledavańniaŭ Carlsberg Group, jaki raźmieščany na brovary Kronenbourg u francuzskim horadzie Abierne.
Akramia taho, dla vykanańnia ŭsich umoŭ łakalizacyi spatrebilisia inviestycyi va ŭstanoŭku abstalavańnia: sistemy dazacyi i dadatkovaha draždžavoha tanka. Reč u tym, što pry vytvorčaści «1664 Blanc» pavinny vykarystoŭvacca asablivyja «imiannyja» droždžy Kronenbourg, prytym nie nižej za pieršuju hienieracyju. Droždžy dla hetaha hatunku, jak i dla inšych, što vyrablajucca na zavodzie «Alivaryja», dastavili z Danii z centralnaj łabaratoryi hrupy Carlsberg.
Ciapier čytajuć
«Ja supracoŭnik KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku21
Kamientary