Карпенка — вайскоўцам: Мы павінны паставіць заслон знешняму ўмяшанню ў перыяд электаральных кампаній
Старшыня ЦВК Ігар Карпенка сустрэўся сёння з актывам Мінабароны, дзе распавёў пра будучыя электаральныя кампаніі. 25 лютага ў Беларусі павінен упершыню прайсці Адзіны дзень галасавання: адбудуцца парламенцкія выбары і выбары ў мясцовыя саветы дэпутатаў.
Ён сказаў, што 25 лютага 2024 года пры правядзенні Адзінага дня галасавання выбары не скончацца. На працягу 60 дзён будуць абраныя члены Савета Рэспублікі і дэлегаты «Усебеларускага народнага сходу.
Важным пытаннем Ігар Карпенка назваў падтрыманне электаральнага суверэнітэту і бяспекі падчас правядзення выбарчай кампаніі.
«Выбары мы праводзім для сваёй краіны, і, вядома, мы павінны паставіць пэўную заслону і знешняму ўмяшанню, і магчымым спробам дэстабілізацыі працы камісій, участкаў для галасавання ў перыяд галасавання і наогул стварэння нейкай напружанай абстаноўкі ў перыяд выбарчай кампаніі. Грамадзяне павінны ў свабоднай форме выказаць сваё волевыяўленне і выбраць таго кандыдата, якога лічаць патрэбным», — сказаў Карпенка.
Пытанні электаральнага суверэнітэту і электаральнай бяспекі важныя яшчэ з пункту гледжання абмеркавання канцэпцыі нацыянальнай бяспекі, адзначыў кіраўнік ЦВК.
«Канцэпцыя нацыянальнай бяспекі рыхтуецца. Пра гэта таксама сёння ішла размова, і меркаванне прафесіяналаў, тых, хто мае прамое дачыненне да фарміравання канцэпцыі і гарантаванне нацыянальнай бяспекі, вядома, вельмі важна. Гэта ўзаемадзеянне і разуменне, ці ўсё мы ўлічылі, якія заканадаўчыя навацыі, магчыма, будуць выкарыстоўвацца на практыцы, а якія яшчэ трэба дадаць у той ці іншай форме, каб забяспечыць свабоднае і бяспечнае правядзенне выбараў», — дапоўніў ён.
Нагадаем, што масавыя мірныя пратэсты пасля фальсіфікацыі вынікаў прэзідэнцкіх выбараў у жніўні 2020 года былі жорстка задушаныя, а рэпрэсіі супраць нязгодных працягваюцца і па сёння.
Цяпер чытаюць
Тамара Віннікава прадала свой лонданскі дом, завешаны карцінамі самой сябе ШМАТ ФОТА18
Каментары
Удакладніце, калі ласка, для якой «сваёй краіны», збіраецца праводзіць выбары расеец Ігар Карпенка з Навакузнецка Кемераўскай вобласці РФ, камуніст з расейскай партыі СКП-КПСС (пад кіраўніцтвам Г. Зюганава)?