Выданне Ex-press.live і чат «Гомель за Никиту Золотарева» прызналі «экстрэмісцкімі фармаваннямі»
24 кастрычніка КДБ прызнала «экстрэмісцкімі фармаваннямі» выданне Ex-press.live і чат «Гомель за Никиту Золотарева», піша «Вясна».
Пры інфармацыі пра Ex-press.live пазначаныя прозвішчы людзей, якія нібыта маюць дачыненне да гэтага рэгіянальнага СМІ, які базаваўся ў Жодзіне і спецыялізуецца на асвятленні навін Барысаўшчыны: «ураджэнцы Расіі: Паляк Міла Анатольеўна, Баброўская Анастасія Аляксандраўна, Мацкевіч Алег Георгіевіч, грамадзяне Рэспублікі Беларусь: Сляпухін Павел Віктаравіч, Кульбякіна Алена Уладзіміраўна».
У сітуацыі з «Гомель за Никиту Золотарева» пазначана, што гаворка ідзе пра закрыты тэлеграм-чат, дачыненне да якога, як сцвярджаецца, мае бацька палітзняволенага Мікіты Залатарова — Міхаіл Лапуноў.
Міхаіл быў затрыманы 8 жніўня і з таго часу бесперапынна ўтрымліваецца ў ізалятары часовага ўтрымання. Агулам мужчына правядзе за кратамі больш за тры месяцы.
Мікіта Залатароў — адзін з наймалодшых затрыманых палітвязняў у выніку пратэстаў 2020 года. Агульны тэрмін пакарання для яго склаў чатыры з паловай гады выхаваўчай калоніі.
Каментары