Vydańnie Ex-press.live i čat «Homiel za Nikitu Zołotarieva» pryznali «ekstremisckimi farmavańniami»
24 kastryčnika KDB pryznała «ekstremisckimi farmavańniami» vydańnie Ex-press.live i čat «Homiel za Nikitu Zołotarieva», piša «Viasna».
Pry infarmacyi pra Ex-press.live paznačanyja proźviščy ludziej, jakija nibyta majuć dačynieńnie da hetaha rehijanalnaha ŚMI, jaki bazavaŭsia ŭ Žodzinie i śpiecyjalizujecca na aśviatleńni navin Barysaŭščyny: «uradžency Rasii: Palak Miła Anatoljeŭna, Babroŭskaja Anastasija Alaksandraŭna, Mackievič Aleh Hieorhijevič, hramadzianie Respubliki Biełaruś: Ślapuchin Pavieł Viktaravič, Kulbiakina Alena Uładzimiraŭna».
U situacyi z «Homiel za Nikitu Zołotarieva» paznačana, što havorka idzie pra zakryty telehram-čat, dačynieńnie da jakoha, jak śćviardžajecca, maje baćka palitźniavolenaha Mikity Załatarova — Michaił Łapunoŭ.
Michaił byŭ zatrymany 8 žniŭnia i z taho času bieśpierapynna ŭtrymlivajecca ŭ izalatary časovaha ŭtrymańnia. Ahułam mužčyna praviadzie za kratami bolš za try miesiacy.
Mikita Załataroŭ — adzin z najmałodšych zatrymanych palitviaźniaŭ u vyniku pratestaŭ 2020 hoda. Ahulny termin pakarańnia dla jaho skłaŭ čatyry z pałovaj hady vychavaŭčaj kałonii.
Ciapier čytajuć
Babaryka zojmiecca biznesam — užo adkryŭ kampaniju ŭ Hiermanii9
Babaryka zojmiecca biznesam — užo adkryŭ kampaniju ŭ Hiermanii
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu1313
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu13
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary