Грамадства11

Былому кіраўніку Віцебска знайшлі новую працу — даручылі цырульні і рытуальныя крамы

Старшыню Віцебскага гарвыканкама Мікалая Арлова знялі з пасады ў верасні, пакуль той быў у Геленджыку.

Мікалай Арлоў. Фота: vitbichi.by

Цяпер Арлоў прызначаны дырэктарам ААТ «Мір услуг Плюс», паведамляе гарадская газета «Вітьбічі». Гэтае акцыянернае таварыства аб'ядноўвае ўстановы, якія аказваюць бытавыя паслугі. З іх 90% — цырульні, яшчэ ў склад арганізацыі ўваходзяць 3 фотастудыі, 4 пункты пракату і 3 рытуальныя крамы.

Паводле першай адукацыі Мікалай Арлоў — настаўнік матэматыкі, але па гэтай спецыяльнасці ён працаваў толькі два гады, потым стаў намеснікам дырэктара па выхаваўчай працы ў адной з віцебскіх школ. У 1998 годзе перайшоў працаваць у віцебскае аддзяленне БРСМ. У 2002 годзе яго прызначылі кіраўніком сектара па справах моладзі ў Віцебскім гарвыканкаме. У 2005 годзе Арлоў стаў начальнікам аддзела адукацыі адміністрацыі Кастрычніцкага раёна Віцебска. У 2009-м быў прызначаны кіраўніком адміністрацыі Першамайскага раёна Віцебска. За гэты час ён паспеў атрымаць яшчэ два дыпломы — Віцебскага тэхналагічнага ўніверсітэта і Акадэміі кіравання.

У чэрвені 2021 года Аляксандр Лукашэнка ўзгадніў кандыдатуру Мікалая Арлова на пасаду старшыні Віцебскага гарвыканкама, а 25 верасня 2023 года зняў з яе, даверыўшы пост гарадскога кіраўніка былому старшыні Віцебскага райвыканкама Генадзю Сабынічу.

Мікалай Арлоў у той час быў у працоўнай паездцы — браў удзел ва ўрачыстасцях у Геленджыку, прысвечаных 14-годдзю партнёрскіх стасункаў з Віцебскам. Пазней на сваёй старонцы ў instagram ён размяшчаў фотаздымкі з Чарнаморскага ўзбярэжжа з хэштэгам #отпуск і запісамі пра тое, як ён бачыў дэльфінаў і вудзіў стаўрыду. За што ён быў пазбаўлены пасады, жыхарам Віцебска не паведамлялі.

Скрыншот інстаграма былога кіраўніка Віцебска

Дарэчы, яго папярэднік Вадзім Заранкін, які адпрацаваў старшынёй гарвыканкама каля года, пасля змяшчэння быў таксама накіраваны ў сферу бытавога абслугоўвання насельніцтва — яго прызначылі дырэктарам сеткі хімчыстак і пральняў «Аб'яднанне «Лотас». Звальненне Заранкіна ў Віцебску звязваюць з тым, што два ягоныя сыны ўдзельнічалі і былі затрыманыя падчас пратэстаў у 2020 годзе.

Каментары1

  • Ого
    16.11.2023
    Ого, назначили смотрящим за самыми хлебными местами в Беларуси !

Цяпер чытаюць

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Усе навіны →
Усе навіны

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

Аргазм ёсць, а спермы няма. Што такое рэтраградная эякуляцыя і чым яна небяспечная11

Зяленскі заявіў, што Украіна спыніла больш за палову расійскай нафтаперапрацоўкі7

Літва заклікала прызнаць ГРУ тэрарыстычнай арганізацыяй9

Зборная Беларусі па футболе прайграла Албаніі ў вырашальным матчы Лігі нацый14

Легендарны тэлескоп «Хабл» падае на Зямлю. НАСА тэрмінова шукае тых, хто яго выратуе або затопіць16

больш чытаных навін
больш лайканых навін

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны23

Паўла Муравейку, які адпрацаваў намеснікам у Адміністрацыі Лукашэнкі толькі паўтара месяца, перавялі ў кіраўнікі Віцебшчыны

Галоўнае
Усе навіны →

Заўвага:

 

 

 

 

Закрыць Паведаміць