Ён знаходзіцца на сцяне дома насупраць Лядовага палаца, паведамляе ў сваім тэлеграме хакейны клуб «Юнацтва».
Руслан Салей — самы вядомы хакеіст Беларусі. Ён нарадзіўся ў Мінску ў 1974-м. Руслан быў рэкардсменам па колькасці матчаў у Нацыянальнай хакейнай лізе. За 14 сезонаў у найлепшай хакейнай лізе свету беларускі абаронца правёў 916 гульняў у рэгулярных чэмпіянатах і 62 у плэй-оф. Гуляў за «Анахайм», з якім дайшоў да фіналу Кубка Стэнлі, «Фларыду», «Каларада», «Дэтройт». Салей выступаў за зборную Беларусі на трох Алімпіядах (у 1998, 2002 і 2010 гадах) і дзевяці чэмпіянатах свету, у тым ліку шасці — у наймацнейшым дывізіёне.
У 2011 годзе вырашыў кар'еру працягнуць у Кантынентальнай хакейнай лізе і перайшоў у яраслаўскі «Лакаматыў».
Яго жыццё абарвалася ва ўзросце 36 гадоў. Самалёт Як-42, на якім «Лакаматыў» ляцеў на дэбютную гульню сезона ў Мінск, не змог набраць вышыню і ўпаў каля аэрапорта Тунашна. Усе загінулі. Бэтан Салей страціла мужа і бацьку траіх дзяцей.
Цяпер чытаюць
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага40
«Трэба дамаўляцца істотна». Лукашэнка расказаў пра сустрэчу з прадстаўнікамі Зяленскага
«Лютая, абразлівая крытыка ўсяго беларускага. Але з мінулага ў будучыню немагчыма прайсці міма сучаснасці». Насевіч грунтоўна адказаў Алесю Беламу141141
Каментары