Стваральнікі серыяла «Слова пацана» вырашылі перазняць фінальную серыю
Раней у сеціва пратачыліся чарнавыя версіі заключных эпізодаў.
Рэжысёр Жора Крыжоўнікаў і сцэнарыст Андрэй Залатароў распавялі, што «скончыць гэтую гісторыю інакш» яны вырашылі «ў раёне трэцяй серыі», піша «Медуза».
«Я вам не скажу, што гэта было лёгка зрабіць. Хто ведае, як уладкаваная кінаіндустрыя, той разумее, што прадзюсары не любяць марнаваць грошы. Мы з Андрэем перапісалі гэтыя серыі, прыйшлі, пераканалі, атрымалі дадатковае фінансаванне для таго, каб восьмая серыя была ярчэйшай, эмацыйнейшай, вастрэйшай, чым тое, што ў нас атрымалася раней», — заявіў Крыжоўнікаў.
У той жа час сёмы эпізод, па словах рэжысёра, змяніўся «крыху».
Таксама стваральнікі серыяла згадалі ўцечку, у выніку якой чарнавыя варыянты сёмай і восьмай серый патрапілі ў сеціва. «Мы вас заклікаем, сябры, лепш не глядзець, бо гэта чарнавік, гэта як есці негатовую страву».
Цяпер чытаюць
Пракуратура пра смерць Мелказёрава: журналіст меў хранічную хваробу17
Каментары