Сакрэтная зброя. Як украінскі робат-кулямётчык стрымліваў расіян шэсць тыдняў

На адным з участкаў фронту для адбіцця варожых атак Трэці армейскі корпус УСУ выкарыстаў сакрэтную зброю — наземнага робата памерам не больш за газонакасілку. Гэта комплекс DevDroid TW 12.7, абсталяваны кулямётам M2 Browning, паведамляе The Telegraph.

На ўсходзе Украіны расійскія падраздзяленні 45 дзён не маглі прарваць участак фронту, які, як высветлілася пазней, абараняў усяго адзін дыстанцыйна кіраваны робат. Гэтая машына аказалася настолькі эфектыўнай, што праціўнік нават не западозрыў адсутнасці жывых салдат на пазіцыі.

Тэхнічныя магчымасці

Робат DevDroid TW 12.7 абсталяваны цяжкім кулямётам M2 Browning калібра 12,7 мм. Аператар комплексу можа знаходзіцца на бяспечнай адлегласці — да 25 кіламетраў, кіруючы машынай праз планшэт.

Павялічыць

Дзякуючы ўбудаванаму штучнаму інтэлекту, робат здольны самастойна пракладаць маршрут па складаным рэльефе, а балістычны калькулятар забяспечвае высокую дакладнасць агню.

Камандзір ударнай роты робатаў NC-13 Трэцяга армейскага корпуса Мікалай «Макар» Зінкевіч распавёў, што машына фактычна замяніла сабой падраздзяленне з 3—6 вайскоўцаў.

Асабліва важную ролю тэхніка адыграла падчас непагадзі — у туман, дождж і снег. Калі звычайныя паветраныя дроны не маглі праводзіць разведку, расійскія групы спрабавалі выкарыстоўваць нізкую бачнасць для прарыву, але кожны раз траплялі пад шчыльны і трапны агонь наземнага робата.

Увесь гэты час расійская разведка не магла вызначыць, што супраць іх ваюе машына. Не было зафіксавана ніякіх перахопаў радыёперамоў, а сам робат ні разу не трапіў пад удар.

Кожныя два дні аператары на кароткі час адводзілі дрон з пазіцыі для тэхнічнага абслугоўвання, якое праводзілася за чатыры кіламетры ад лініі фронту. За чатыры гадзіны каманда паспявала пачысціць зброю, папоўніць боекамплект і зарадзіць акумулятары.

Павялічыць

Гэты выпадак называюць новай старонкай у гісторыі тэхналагічных войнаў. Украінскае камандаванне падкрэслівае: галоўная перавага такіх сістэм — магчымасць утрымліваць небяспечныя пазіцыі з нулявымі стратамі сярод асабовага складу. Пакуль робат трымаў абарону, салдаты знаходзіліся ў бяспечных сховішчах.

This is truly the era of Skynet:

Land-based robotic combat complexes developed by Ukrainian DevDroid - Droid TW. Armed with a Browning-type 12.7mm heavy machine gun.

See the latest updates with us: @NSTRIKE1231 pic.twitter.com/W0N79xKyAe

— NSTRIKE (@NSTRIKE1231) November 27, 2025

Нядаўна для выкарыстання на перадавой былі ўхвалены і іншыя версіі беспілотніка, у тым ліку дзве машыны, абсталяваныя гранатамётамі.

«Попыт на гэтыя сістэмы высокі, — сказаў Мікалай «Макар» Зінкевіч. — Робаты не краваточаць».

• 52
• 0
• 1
• 0
• 1
• 0
• 0
• 5