У італьянскім горадзе Пеша ў рэгіёне Таскана нецвярозы 40‑гадовы беларус нарабіў бед у хірургічным аддзяленні бальніцы. Пра гэта паведамляе выданне La Nazione, піша сайт «Беларусь и мир».
Інцыдэнт адбыўся ў нядзелю 11 студзеня. Каля 23.00 наш суайчыннік, зламаўшы замок, пракраўся ў памяшканне хірургічнай амбулаторыі бальніцы імя святых Касмы і Даміяна. Тут ён пачаў буяніць, ламаючы мэблю і робячы такі грукат, што некаторыя відавочцы асцерагаліся абвальвання будынка.
Акрамя таго, мужчына вырашыў вынесці з сабой усё, што змог знайсці ў кабінеце: інструменты, марлю, дэзынфікацыйныя сродкі.
Медработнікі і супрацоўнікі службы бяспекі неадкладна выклікалі праваахоўнікаў. Прыбыўшы на месца, тыя затрымалі буяна, перш чым сітуацыя магла пагоршыцца, улічваючы небяспеку выкрадзеных ім вострых прадметаў.
Арыштаваны не з'яўляўся пацыентам бальніцы і не меў раней прыводаў у паліцыю. Хутчэй за ўсё, ягоныя начныя прыгоды ў хірургічнай амбулаторыі былі выкліканыя выключна ўжываннем алкаголю.
У Мінску мужчына распыліў газ на прадавачку, якая не давала яму красці бліны
«Пайшлі нах*й вы і ваш «Бацька», пі***асы!» П'яныя прыгоды зрабілі армяніна Ярванда палітвязнем. Цяпер ён змагаецца з праблемамі ў Польшчы
Вінаватага ў гібелі двух дзяцей у ДТЗ пад Воранавам пасадзілі на 8 гадоў
Мілеўскі: Самае складанае — жыць як Раналду. Мне ж трэба выпіць піва, выпіць віна
Цяпер чытаюць
Цапкала і Балкунец атакавалі літоўскага палітыка, які дапамагаў беларусам пасля 2020‑га і спрычыніўся да справы, якую завёў пракурор у Гаазе47
Каментары