У Палату прадстаўнікоў ідзе Азаронак. Але не той самы, а яго дзядзька
Віктар Азаронак цяпер працуе чыноўнікам у Лепелі, але збіраецца ў сталіцу.
Сярод кандыдатаў у дэпутаты Палаты прадстаўнікоў з’явіўся Віктар Азаронак. Пакуль што ён працуе намеснікам старшыні Лепельскага райвыканкама і адказвае за сацыяльную сферу — пытанні адукацыі, культуры і аховы здароўя.
Віктар Азаронак балатуецца па сваёй жа Лепельскай акрузе №23. І пакуль што не мае ніводнага канкурэнта. Магчыма, хто-небудзь дадасца пасля, але выбары могуць быць і безальтэрнатыўнымі.
(Дапоўнена: суперніца ўсё ж з'явілася, гэта дырэктарка Чашніцкага гістарычнага музея Наталля Залеская)
Віктар Азаронак — брат прапагандыста з 1990-х Юрыя Азаронка і, адпаведна, дзядзька прапагандыста Рыгора Азаронка.
Некалькі гадоў таму чыноўніка спрабаваў патроліць Андрэй Павук, але Віктар Азаронак адказваў максімальна стрымана і не рэагаваў на правакацыйныя пытанні.
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары