Эканоміка11

Кітайцы аглядалі пляцоўку пад майнінг-ферму ў Гродзенскай вобласці

У Свіслач прыязджалі кітайскія інвестары, якія шукаюць пляцоўку для майнінгу крыптавалют. Яны сустрэліся са старшынёй Свіслацкага райвыканкама Аляксандрам Вярсоцкім і яго намеснікам, які курыруе пытанні эканомікі, заўважыла выданне Hrodna.life.

Кітайскія інвестары разглядаюць месцы ў Свіслацкім раёне, дзе можна пабудаваць майнінгавую ферму для здабычы крыптавалюты. Фота: svisgaz.by

У Свіслацкім раёне інвестары агледзелі пляцоўкі, дзе можна пабудаваць майнінг-ферму. Дэталяў сустрэчы не раскрылі, але не сакрэт, што беларускія ўлады апошнім часам больш гавораць аб прыцягненні ў краіну крыптавалютных здабытчыкаў. 

Улады хочуць больш майнінг-ферм у Беларусі

Міністэрства энергетыкі, «Белэнерга» і Міністэрства антыманапольнага рэгулявання і гандлю зацікаўлены ў павелічэнні колькасці ферм для майнінгу крыптавалюты ў краіне. У тым ліку і таму, што беларуская эканоміка не спажывае ўсе тыя абʼёмы энергіі, якія вырабляюцца пасля запуску БелАЭС. 

Беларускія ўлады вельмі хочуць прыцягнуць у краіну майнераў, расказаў намеснік кіраўніка МАРГ Іван Вежнавец на канферэнцыі па крыптавалютах, якая прайшла ў Мінску ў снежні 2023. Для гэтага інвестарам прапануюць вялікія скідкі на электрычнасць. Буйны майнер можа атрымаць скідку каля 30% па тарыфе на электраэнергію, калі заключыць з «Белэнерга» дамову, па якой ферма абавязаная спажываць мінімум 15 млн кВт·г на год. 

Хоць у Беларусі майнінг, а таксама купля і продаж крыптавалюты фізічнымі асобамі ў асабістых мэтах дазволены, будаваць на гэтым бізнэс фізічным асобам нельга. У МУС нават прапрацоўваюць магчымасці забараніць усе ўгоды з крыптавалютамі для фізічных асоб. І хоць пакуль фізічным асобам займацца майнінгам у асабістых мэтах можна, для легальнага бізнэсу ў гэтай сферы трэба стварыць юрыдычную асобу. 

Колькі майнінг-ферм у Беларусі цяпер

Гендырэктар канцэрна «Белэнерга» Павел Дрозд расказаў Tochka.by, што сёння ў Беларусі працуюць дзве буйныя фермы па здабычы крыптавалюты — на пляцоўцы Бярозаўскай ДРЭС і на Мінскім заводзе шасцерняў. Такія буйныя спажыўцы вельмі выгадныя канцэрну, бо выкарыстоўваюць вялікія абʼёмы энергіі кругласутачна і без выходных.

Каментары1

  • + + +
    28.12.2023
    Название фото "хочешь выехать из это ж..ы - ставь подпись". Китайские братки забили стрелу белорусским браткам. Встреча интеллектуальных элит.

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць