Усяго патроху1010

Навошта на нарадах Лукашэнкі шклянкі з вадой накрываюць накрыўкамі?

Адказ на гэтае пытанне можа вас здзівіць. 

Любое пратакольнае мерапрыемства падобнае да шахматнай партыі: за ўсімі фігурамі на дошцы замацавана сваё асаблівае месца і рухацца яны могуць выключна прадказальным спосабам. Нарады Лукашэнкі з беларускімі чыноўнікамі — не выключэнне. Усё — ад рассадкі ўдзельнікаў да таго, як арганізаваны стол перамоваў — мае вялікае значэнне.

Якія месцы за сталом зоймуць чыноўнікі, узгадняецца загадзя. Звычайна бліжэй за ўсё да Лукашэнкі сядзяць ягоныя давераныя асобы. Напрыклад, ганаровае месца побач з ім нярэдка дастаецца старшыні Савета Рэспублікі Наталлі Качанавай.

нарада лукашэнкі
Фота: сайт Лукашэнкі

Падчас працы ўдзельнікі сустрэчы могуць пачаставацца вадой. На стол яе падаюць у закрытых бутэльках: іх старанна праціраюць ад пылу і адкаркоўваюць толькі за 5-15 хвілін да прыходу чыноўнікаў. Такое правіла абумоўлена патрабаваннямі бяспекі — адкаркаваныя бутэлькі ніколі не павінны заставацца без увагі.

Усе безалкагольныя напоі загадзя астуджаюць да 10-12 градусаў. Выключэннем ёсць мінеральная вада «Баржомі», якую прынята трохі падаграваць.

Але часцей за ўсё вада на пасяджэннях урада негазаваная. Яе разліваюць па круглых шклянках з тоўстым дном — гэта адбываецца таксама незадоўга да пачатку мерапрыемства. Каб паменшыць гук судотыку шклянкі з драўлянай паверхняй стала, яе ставяць на падстаўку або сурвэтку.

Посуд напаўняюць вадой на ⅔ і потым накрываюць яго спецыяльным папяровым вечкам. Гэтая традыцыя з'явілася не адно дзесяцігоддзе таму і таксама звязаная з трывогай аб здароўі прысутных. Лічыцца, што такі ход не дазволіць падмяшаць атруту ці іншыя прэпараты ў напоі важных гасцей.

Але часта гэтае правіла тлумачаць больш празаічна — так у ваду не зможа трапіць пыл і іншыя непатрэбныя элементы.

Цікава, што звычайна шклянкі з напоямі ставяць на адлегласці сагнутай рукі госця, але служба пратакола Лукашэнкі грэбуе гэтым патрабаваннем. Яна ставіць шклянкі занадта далёка — так, каб у выпадку смагі чыноўніку давялося б усім целам цягнуцца за вадой. Зразумела, праз гэта прысутныя змушаныя абыходзіцца без вадкасцяў, што робіць іх знаходжанне на нарадах некамфортным.

Часам такія «пралікі» робяцца спецыяльна — каб падкрэсліць статус галоўнага чалавека і ў чарговы раз паказаць гасцям іх месца.

@nashaniva Навошта на нарадах Лукашэнкі шклянкі з вадой накрываюць? #лукашенко #лукашэнка #беларусь #мова #навіны #беларусьсейчас #беларускіцікток #беларускітыкток ♬ Sun - DVRKHOLD

Каментары10

  • Цім
    12.01.2024
    Усе напіваюцца загадзя. І надзяюць памперсы.
  • даведка
    12.01.2024
    Все бутылки со стола убрали, как и тяжёлые стаканы подальше, чтобы чиновники не запустили ими в Лукашенко.
  • дочка Максима Дизайнера
    12.01.2024
    Навошта на нарадах Лукашэнкі шклянкі з вадой накрываюць накрыўкамі?

    вось і сапраўды - навошта накрыўкамі? лустай бы хлеба накрыць... як на... ну вы зразумелі

Цяпер чытаюць

Футбаліст, якога выклікалі ў зборную Беларусі, забіў свайго брата, таксама футбаліста. Яму далі 9 гадоў

Футбаліст, якога выклікалі ў зборную Беларусі, забіў свайго брата, таксама футбаліста. Яму далі 9 гадоў

Усе навіны →
Усе навіны

На Валааме, дзе нядаўна былі Лукашэнка з Пуціным, павесілі фрэску, як расійскі вайсковец з Z перавязвае параненага ўкраінскага салдата20

Армяніна, які сядзіць больш за 20 гадоў за стварэнне ў Гомелі злачыннай групоўкі, асудзілі яшчэ за тры жорсткія забойствы5

Топ-спецыялістку па маркетынгу з МТБанка асудзілі за ўдзел у пратэстах5

Некаторых мужчын называюць «каструльшчыкамі». Хто гэта?15

Легендарная журналістка Любоў Лунёва расказала пра Віктара Лукашэнку і аднакурснікаў, стварэнне «Вясны» і палітычны бамонд35

У палон трапіў 50-гадовы беларус, які ваяваў за Расію4

Беларускі гінеколаг у Варшаве Ганна Каско ў мінулым месяцы зарабіла $45 тысяч23

Буданаў: Лукашэнка не згаджаецца даваць калідор расейцам12

На гарышчы пад Стоўбцамі знайшлі артэфакты, якія сяляне 60 гадоў таму схавалі ад савецкай улады1

больш чытаных навін
больш лайканых навін

Футбаліст, якога выклікалі ў зборную Беларусі, забіў свайго брата, таксама футбаліста. Яму далі 9 гадоў

Футбаліст, якога выклікалі ў зборную Беларусі, забіў свайго брата, таксама футбаліста. Яму далі 9 гадоў

Галоўнае
Усе навіны →

Заўвага:

 

 

 

 

Закрыць Паведаміць