Агучаны вырак па ДТЗ у Петрыкаўскім раёне. У ім загінула маці 8 дзяцей
«Праклятае месца», — кажуць мясцовыя пра ўчастак дарогі, дзе адбылася аварыя.
Аварыя адбылася 24 верасня 2023 года ля вёскі Муляраўка, Петрыкаўскага раёна. У легкавік 38-гадовай Вольгі Андрэевай урэзаўся грузавік. Яго 59-гадовы кіроўца быў нападпітку. Жанчына памерла па дарозе ў бальніцу.
Вольга Андрэева з Муляраўкі. Яна шматдзетная маці. У яе 8 дзяцей: шасцёра непаўналетнія, двое дарослыя.
Трагічная смерць жанчыны шакавала жыхароў вёскі.
У 2017 годзе Вольга дамагалася, каб у выдзеленым дзяржавай яе сям’і доме наладзілі ацяпленне. Калі скаргі чыноўнікам не далі плёну, то пазваніла на прамую лінію БТ. З тэлевізійнага рэпартажу стала вядома, што шматдзетная сям’я Вольгі тры гады мерзла ў доме. Тэмпература ледзь дацягвала да 12 градусаў. Пасля крытыкі па тэлебачанні сістэму ацяплення адрамантавалі.
Па словах землякоў, прыклад Вольгі ў адстойванні правоў пазней перанялі іншыя жыхары пасёлка.
У Муляраўцы кажуць, што ўчастак шашы, дзе адбылася аварыя, праклятае месца. На ім часта здараюцца трагедыі. Адна з апошніх адбылася ў канцы года.
Вінаватаму ў смерці Вольгі прысудзілі 6 гадоў калоніі агульнага рэжыму з пазбаўленнем права кіраваць транспартнымі сродкамі на 8 гадоў.
Петрыкаўскі суд абавязаў уладальніка машыны, якой было ўчыненае дарожна-транспартнае здарэнне, кампенсаваць мужу загінулай маральную шкоду ў суме 50 тысяч рублёў.
Вырак быў агучаны 17 студзеня. Прысуд яшчэ не набыў моцы. Сябе мужчына прызнаў вінаватым часткова.
«Наша Нiва» — бастыён беларушчыны
ПАДТРЫМАЦЬГлядзіце таксама:
«Суп вару маленькімі порцыямі — па 8 літраў». Як жыве сямʼя, у якой 15 дзяцей
Каментары