«Усё добра, быў званок з вышэйстаячых органаў». Чавуская тыктокерка ў барацьбе з мясцовымі ўладамі дасягае поспехаў
Жыхарка Чавусаў у тыктоку звярнулася да Аляксандра Лукашэнкі. Яе сяброўка жыве ў пакоі, дзе ў любы момант можа абваліцца сцяна, у інтэрнаце няма гарачай вады, а кухня даўно не бачыла нават касметычнага рамонту. Як гісторыя набыла розгалас, пасля чаго чыноўнікі заварушыліся — спачатку бізуном, а пасля пернікам.
Сёння зранку жанчына запісала новы тыкток, у якім паведаміла, што чыноўнікі заняліся праверкай яе сацыяльнага становішча, пагражаючы адабраць дачку. Яна паведаміла пра свой намер цвёрда змагацца за свае правы і заклікала «трымаць кулачкі».
Тыкток, запісаны бліжэй да вечара, быў ужо куды больш аптымістычны. Паводле жанчыны, «усё добра, быў званок з вышэйстаячых органаў», камісія нічога кепскага ў яе сацыяльным становішчы не знайшла; нават пачалі рамонт у інтэрнаце. Жанчыне застаецца толькі задаваць рытарычнае пытанне: «А дзе вы былі раней?»
«Мы не будзем нікуды звяртацца, калі вы будзеце ўваходзіць у наша становішча», — заяўляе жыхарка Чавусаў чыноўнікам.
Каментары
Тот и победит в борьбе мнении, демократии и плюрализма.
Если ремонтники интерната из губопика окажутся на стороне блогерши, то интернат, возможно, отремонтируют, а директора интерната привлекут
к показательной ответственности. Если займут сторону чиновников и директора интерната, то блогершу лишат родительских прав, дитё отправят в интернат для детей с такими же проблемами, как и у этого интерната, а мамашу отправят на химию.