Некуды знік першы намеснік старшыні Брэсцкага аблвыканкама. Магчыма, яго затрымалі
На сайце Брэсцкага аблвыканкама ў раздзеле «Кіраўніцтва» знікла згадка пра першага намесніка старшыні Валянціна Зайчука. Цяпер у кіраўніка вобласці Юрыя Шулейкі наогул няма першага намесніка, заўважыў Reform.by.
Знік Зайчук і з графіка асабістага прыёму грамадзян і прадстаўнікоў юрыдычных асоб кіраўніцтва аблвыканкама. У полі, дзе павінны быць пазначаныя прозвішча, імя і імя па бацьку, свеціць адно пустое месца.
Інфармацыя пра Зайчука захавалася толькі ў беларускамоўнай версіі сайта аблвыканкама.
Яшчэ 10 студзеня Зайчук праводзіў прыём грамадзян, а апошнія згадкі пра чыноўніка ў СМІ датуюцца 24 студзеня 2024 года. Пра яго пісала «СБ. Беларусь сегодня», Зайчук дзяліўся з выданнем планамі па развіцці ў рэгіёне сельскай гаспадаркі.
Крыніца Reform.by паведаміла выданню, што Зайчук нібыта затрыманы за хабар, але дакладна пацвердзіць гэтую інфармацыю пакуль не ўдалося.
Чытайце таксама:
Лукашэнка пацвердзіў затрыманні супрацоўнікаў ДФР
У Гродне за хабар судзяць дырэктара «АзотРамБуд». Ён нядаўна прыехаў з Азербайджана
У Гродне судзяць былога дырэктара кампаніі «Агат — сістэмы кіравання»
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
Каментары