«Чаму прыватнікам не далі працаваць?» Жодзінец распавёў, як за год змяніліся маршруткі на Мінск
Чытач EX-PRESS.BY днямі з Жодзіна зʼездзіў у Мінск грамадскім транспартам і быў вельмі ўражаны дабітымі аўтобусамі, якія ламаюцца па дарозе.
— Звычайна я ўсе дні за рулём свайго аўтамабіля. А тут у Мінск ездзілі з жонкай. Еду і думаю, якія дабітыя аўтобусы на маршруткі ставяць. Недагледжаныя, сядзенні выцертыя. Брыдка ехаць. Вадзіцелі таксама панурыя нейкія. Жонка кажа, што калі прыватнікі вазілі на дагледжаных мікрыках, дык прыемна было ехаць, — напісаў чытач.
Вяртаючыся дадому, яны пайшлі на прыпынак барысаўскіх маршрутак, бо ведалі, што там часам прыватныя пападаюцца:
— Але не дачакаліся, селі ў такую самую калымагу, як жодзінская, але на Барысаў. Толькі з Мінска выехалі, зламаўся. Жонка кажа, што ў іх зараз гэта штатнае здарэнне.
Падняў кіроўца капот, павазіўся і сказаў, што будуць іншыя аўтобусы забіраць пасажыраў да Барысава.
Забіралі па 5 чалавек, ехалі стоячы, бо ўсе сядзячыя месцы былі заняты:
— Апошні раз я ездзіў у Мінск маршруткай год таму, было цалкам прыстойна. Тое, што змянілася за гэты год, мяне вельмі ўразіла. Усё робяць, каб людзям горш жылося…. Пытанне: чаму прыватнікам не далі працаваць?
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім12
«Вельмі добра разумею беларускую мову. Нават не думаў». З'явілася ВІДЭА размовы беларускіх палітвязняў з Зяленскім
Бабарыка і Калеснікава пагаварылі з Інгай Ругінене і заклікалі Літву «далучыцца да дыпламатычных намаганняў ЗША» і «не прапусціць акно магчымасцей»3333
Каментары