«Пацукі, са сваёй краінай вы ці здраднікі?» Гладкая накінулася на «Анлайнер»
Прапагандыстка Людміла Гладкая напісала калонку з заклікам прыгледзецца да інтэрнэт-партала.
«Вы ўжо вызначыцеся неяк: застаяцеся вы або сыходзіце? Калі што, дзверы — там. На двух крэслах ужо не атрымаецца. Рана ці позна адно з іх хіснецца і абрынецца. Так вы ўжо лепш цяпер, пакуль не павалілася, вырашыце: са сваёй краінай вы ці здраднікі», — піша ў калонцы на «СБ» прапагандыстка.
Яна прыгадвае парталу «Анлайнер» 2020-ты і «няправільных» герояў матэрыялаў.
«Слухайце, можа, пара ўжо прыгледзецца да такіх? Прыгледзецца пільней да дублёраў экстрэмісцкіх рэсурсаў. Адны і тыя ж тэксты, адны і тыя ж фота. Тая ж рэдакцыйная палітыка?» — накручвае сябе і чытачоў Гладкая.
Яна разважае, што другі шанец у Беларусі, канечне, даюць, але «ці не вычарпаны ліміт папярэджанняў». І наогул, каб не было ў краіне дабрабыту, то не з'яўляліся б ніякія парталы.
«Дзяржавы руйнуюць знутры. Вось такія пацукі і руйнуюць. Спярша нягучна і ненадакучліва, ну а потым. А потым вы і самі ведаеце. Такія пацукі і ёсць элемент запушчанай супраць нас Захадам махіны для гульні ўдоўгую. Як па мне, яны, пацукі, даўно вызначыліся з кім яны і супраць каго», — бачыць прапагандыстка тэорыю змовы.
І пагражае, што, нават калі журналісты і чысцяць сацсеткі, у лукашыстаў «усе хады запісаныя».
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары
Ну і ўсё вяршкі пасля закрыцця галоўнага канкурэнта, тутбая, засталіся анлайнеру.
У астатнім -- выдатны і якасны рэсурс, але калі закрыюць -- не шкада зусім. Карма калабарацыяністаў -- свае ж сажруць.