У Мінску развітваюцца з хакеістам і трэнерам Канстанцінам Кальцовым ФОТЫ
Жалобная цырымонія праходзіць у парку Горкага — у крытым катку клуба «Юнацтва».
Канстанцін Кальцоў трагічна загінуў 18 сакавіка ў Маямі. Ён выпаў з балкона гатэля St. Regis Bal Harbour Resort. Яму было 42 гады. Што стала прычынай смерці, пакуль невядома.
Юлія Міхайлава, былая жонка Канстанціна, казала, што адбыўся няшчасны выпадак, а мясцовая паліцыя паведамляла пра магчымы суіцыд.
Па паведамленнях медыя, Кальцоў прыляцеў у ЗША да тэнісісткі Арыны Сабаленкі: у апошнія гады іх звязвалі рамантычныя адносіны. У пачатку красавіка стала вядома, што цела хакеіста крэміравалі і прах даставяць у Беларусь, піша Onliner.by.
Цырымонія пачалася а 10 раніцы ў фае крытага катка. Выбар месца сімвалічны: менавіта ў «Юнацтве» Канстанцін пачаў займацца хакеем. Развітацца з Кальцовым прыйшлі заўзятары, трэнеры, хакеісты, разам з якімі Кальцоў гуляў за зборную Беларусі.
Як стала вядома Onliner, пахаваюць прах пахаваюць у вёсцы Чудзенічы ў Лагойскім раёне.
Кальцоў — адзін са знакавых беларускіх хакеістаў. У розныя гады кар'еры форвард выступаў за менскія «Юнацтва» і «Дынама», расійскія клубы «Северсталь», «Металург» з Новакузнецка, «Ак Барс», маскоўскі «Спартак», Уфімскі «Салават Юлаеў», з якім станавіўся чэмпіёнам Расеі. Акрамя таго, ён правёў тры сезон за «Пітсбург Пінгвінз» у галоўнай хакейнай лізе планеты — НХЛ.
У складзе зборнай Беларусі Канстанцін удзельнічаў у дзвюх зімовых Алімпіядах і 10 чэмпіянатах свету. Апошнім часам працаваў памочнікам галоўнага трэнера ў «Салаваце Юлаеве».
Цела хакеіста Канстанціна Кальцова крэміравалі ў ЗША
Беларускі хакеіст пра Кальцова: Ён прымусіў мяне паверыць у сябе
«Ён пасварыўся». Першы трэнер Кальцова лічыць, што яго гібель звязаная з сямейнымі праблемамі
Што за пяцізоркавы гатэль, у якім трагічна абарвалася жыццё Канстанціна Кальцова?
«Відавочны суіцыд». Паліцыя Маямі пракаментавала смерць Канстанціна Кальцова
Цяпер чытаюць
Арыштаваны вядомы неўролаг Руслан Бадамшын. Ён быў на хатняй хіміі10
Каментары