«Пуцін можа ваяваць столькі, колькі спатрэбіцца, але ён таксама гатовы да спынення агню, каб замарозіць вайну».
Прэзідэнт Расіі гатовы спыніць вайну ва Украіне шляхам перамоваў аб спыненні агню, якія прызнаюць цяперашнія лініі фронту, паведамілі агенцтву Reuters чатыры расійскія крыніцы, заявіўшы, што ён гатовы працягваць барацьбу, калі Кіеў і Захад не адрэагуюць.
Тры крыніцы, знаёмыя з дыскусіямі ў асяроддзі Пуціна, паведамілі, што расійскі лідар выказаў незадаволенасць невялікай групе дарадцаў тым, што ён уважае за спробы Захаду перашкодзіць перамовам, і пастановай прэзідэнта Украіны Уладзіміра Зяленскага выключыць перамовы.
«Пуцін можа ваяваць столькі, колькі спатрэбіцца, але Пуцін таксама гатовы да спынення агню — каб замарозіць вайну», — сказала іншая з чацвёркі, высокапастаўленая расійская крыніца, якая працавала з Пуціным і ведае пра перамовы на найвышэйшым узроўні ў Крамлі.
Пятая крыніца не стала каментаваць замарожванне вайны на цяперашніх франтах.
Прэс-сакратар Пуціна Дзмітрый Пяскоў у адказ на просьбу пракаментаваць сітуацыю, заявіў, што кіраўнік Крамля неаднаразова даваў зразумець, што Расія адкрытая да дыялогу для дасягнення сваіх мэтаў, заяўляючы, што краіна не хоча «вечнай вайны».
Міністэрства замежных спраў і абароны Украіны не адказалі на пытанні.
Пракурорскі начальнік абурыўся неабгрунтаванымі затрыманнямі беларусаў8
Каментары