Брамніку зборнай Расіі забаранілі выязджаць у Еўропу, пакуль не выплаціць аліменты. Ці зможа ўцячы праз Беларусь?
З-за запазычанасці ў памеры 60 мільёнаў расійскіх рублёў (каля 680 тысяч даляраў) брамніку зборнай Расіі па футболе 25-гадоваму Мацвею Сафонаву забаронена пакідаць тэрыторыю Расіі, што можа сарваць ягоны пераход у французскі «Пары-Сэн-Жэрмен».
Паводле інфармацыі тэлеграм-канала «База», пастанова аб забароне на выезд была вынесеная 6 чэрвеня праз нявыплату аліментаў.
У лютым Сафонаў прайграў суд сваёй былой жонцы, з якой ён развёўся ў 2023 годзе. Суд абавязаў Сафонава выплачваць 25% свайго даходу ў якасці аліментаў. У выніку набегла круглая сума ў 60 мільёнаў (каля 680 тысяч даляраў).
Пікантнасць сітуацыі ў тым, што цяпер Сафонаў знаходзіцца ў Мінску, дзе зборная Расіі сёння ўвечары мае правесці матч супраць зборнай Беларусі. У выпадку вяртання ў Расію яму будзе забаронена пакідаць краіну да зняцця абмежаванняў.
Праўда, у футбаліста ёсць варыянт не вяртацца ў Расію, а адразу з Беларусі паспрабаваць перасячы мяжу. Але, улічваючы цесныя сувязі Беларусі з Расіяй і розгалас гэтай справы, такая магчымасць пад вялікім пытаннем. Расійскі юрыст Сяргей Аляксееў сцвярджае:
«Тэарэтычна, у сілу дзейнага заканадаўства і дамоў з Рэспублікай Беларусь, рашэнне расійскага суда на тэрыторыі Беларусі ў гэтай сітуацыі мае сілу, а значыць, памежныя службы Беларусі не павінны ў такой сітуацыі выпусціць Сафонава за мяжу. Калі інфармацыя, устаноўленая судовымі прыставамі-выканаўцамі, паступіць хутка, то яго не павінны выпусціць».
Пра пераход расійскага брамніка ў ПСЖ стала вядома ў канцы траўня. Сума трансферу складзе 20 мільёнаў еўра, а кантракт будзе разлічаны да 2029 года.
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»32
Бабарыка расказаў, чаму перад выбарамі не шукаў падтрымкі ў Расіі. І як яго хацелі звольніць з Белгазпрамбанка за лозунг «Жыве Беларусь!»
Максім Знак пра прэс-канферэнцыю ва Украіне: Мы дамовіліся не ўздымаць найбольш балючыя тэмы — катаванняў, санкцый, вайны. Можа, мусілі мы па-іншаму зрабіць1010
Каментары