МУС пацвердзіла арышт топ-менеджара чыгункі з $3 мільёнамі, а пасля выдаліла навіну з усіх каналаў. Што здарылася?
У аўтарытарных сістэмах строга вызначана, хто мае права першым апублічыць рэзанансную навіну.
13 чэрвеня Міністэрства ўнутраных спраў пацвердзіла, што за хабар затрымалі топ-менеджара Беларускай чыгункі. Імя не называлася, але паведамлялася, што ў тайніках кватэры і загараднага дома затрыманага канфіскавалі больш за 3 мільёны даляраў.
Раней гэту інфармацыю апублічыла «Супольнасць беларускіх чыгуначнікаў». Пісалася, што за хабар узялі першага намесніка кіраўніка БЧ Пятра Дулуба.
Але неўзабаве пасля публікацыі міліцэйскія каналы сінхронна выдалілі ўсю інфармацыю пра затрыманне са сваіх каналаў, што выглядала дзіўна.
Разгадка гэтаму знайшлася 14 чэрвеня — прэс-служба Лукашэнкі анансавала, што на нарадзе ён «пракаментаваў карупцыйныя затрыманні на Белчыгунцы». Выглядае, што па задуме менавіта Лукашэнка першым мусіў расказаць публіцы пра затрыманні на чыгунцы. Таму сілавікоў папрасілі прыбраць усе прэс-рэлізы.
А дзяржаўныя СМІ цяпер рапартуюць — «Лукашэнка раскрыў інфармацыю пра буйную карупцыйную справу». Палітык паведаміў, што сярод затрыманых за хабары — той самы Дулуб.
«У схованках у кватэры і ў загарадным доме фігуранта канфіскаваныя грашовыя сродкі на суму больш за $3,2 млн», — агучыў Лукашэнка дэталі.
-
Памерла 32‑гадовая дызайнерка Вольга Шаўцова — амаль палову свайго жыцця яна змагалася з анкалогіяй
-
Новы канфлікт вакол «Пагоні». Літоўцы вінавацяць беларускі футбольны клуб у крадзяжы іх сімволікі
-
У Ваўкавыскім раёне жыхарку вёскі аштрафавалі за вялікую колькасць катоў. Але юрыстка дапамагла адбіцца
Каментары