Жыхары Мазыра сталі ў гіганцкую чаргу, каб падзарадзіць тэлефоны ВІДЭА
У горадзе ўсё яшчэ праблемы са святлом, але мясцовыя ўлады паведамляюць пра пробныя ўключэнні электрычнасці.
Жыхары Мазыра сабраліся ля будынка сэрвіснага цэнтра «Белтэлекама», каб падзарадзіць тэлефоны і паўэрбанкі.
Людзі прыходзяць са сваімі падаўжальнікамі, паведамляе гарадскі тэлеграм-канал.
У частцы горада ўсё яшчэ няма электрычнасці. Святло ў Мазыры знікла пасля ўрагану, які прайшоўся па Гомельскай вобласці на выходных.
Мясцовыя ўлады паведамляюць, што хутка пачнуцца пробныя ўключэнні электрычнасці. Работы па аднаўленні сетак працягваюцца.
Каментары