Спорт22

Конніца Вольга Сафронава, якая выступае за Польшчу, на Алімпіяду зноў не трапіла

Конніца Вольга Сафронава, якая пасля вымушанага ад'езду з Беларусі стала выступаць за Польшчу, прапусціць гульні ў Парыжы, піша «Люстэрка».

Вольга Сафронава і яе конь па мянушцы Сандра дэ Амор. Фота: інстаграм-акаўнт Сафронавай

«Як вядома, у сярэдзіне чэрвеня я выканала кваліфікацыйныя патрабаванні для ўдзелу ў Алімпійскіх гульнях. Першапачаткова меркавалася, што ў Францыю адправяцца шэсць пар, якія адабраліся, а ўжо на месцы стануць вядомыя тры пары для выступаў. Але мне сказалі, што я не еду.

На самай справе гэта доўгая гісторыя, удавацца ў якую сёння няма жадання. Калі коратка, то патлумачылі трэнерскім рашэннем. Так, з коньмі можа здарыцца ўсялякае, ёсць рызыкі пры транспартоўцы, павінны быць і запасныя, але вось прынята такое рашэнне. Маўляў, акрамя правілаў існуе і трэнерская інтуіцыя.

Я вынесла ўрок з гэтай сітуацыі … Не факт, што спаборнічала б, але ж трапіла ў пашыраны склад і ўжо настроілася на паездку на Алімпіяду. Як бы там ні было, я збіраюся працягваць выступленні і прыкладу ўсе сілы, каб апынуцца на наступных гульнях», — расказала Сафронава «Люстэрку».

Гэта другая Алімпіяда, якую прапусціць спартсменка. Раней двухразовая чэмпіёнка Беларусі (2020, 2021), фіналістка Кубка свету — 2019 Вольга Сафронава заваявала ліцэнзію на АГ-2020 у Токіа, але яе не пусцілі на гульні, спаслаўшыся на заключэнне ветэрынарнай камісіі.

Неўзабаве беларуска, якая падпісала ліст за новыя выбары і супраць гвалту пасля жніўня 2020 года, паехала жыць у Польшчу. Каб пачаць спаборнічаць за гэтую краіну, Сафронавай прыйшлося адбываць двухгадовы каранцін. У 2023 годзе яна стала срэбнай медалісткай чэмпіянату Польшчы — гэта быў яе першы медаль пад сцягам новай краіны.

Каментары2

  • Бел
    27.07.2024
    Польскі блат. Палякі прасоўваюць палякаў. Вось такі савок стайл.
  • Acab
    28.07.2024
    Спадару Беле, савок стайл ў паездках на біятлёніяды на карку падаткаплацельніка. Відавочна, карак той не бязьмежны, хаця і доўгамуляны, і кагосьці зсадзяць. Але тое - наступства некамэрцыйнасьці. Наступства непазбежнае

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць