Усяго патроху1515

Былы гендырэктар Google заявіў, што «дыстанцыйнікі» — гэта бедства сучасных кампаній. Выбухнуў скандал

У час сустрэчы са студэнтамі Стэнфардскага ўніверсітэта былы гендырэктар карпарацыі Google Эрык Шміт моцна раскрытыкаваў прыхільнікаў аддаленай працы і абвінаваціў іх амаль ва ўсіх няшчасцях Google і іншых сучасных кампаній. Гэтая прамова абурыла многіх.

Былы гендырэктар карпарацыі Google Эрык Шміт. Фота: Susan Walsh / AP

Па словах былога кіраўніка Google Эрыка Шміта, будучыя ўладальнікі бізнэсаў і кампаній павінны забараніць сваім супрацоўнікам працаваць з дому, каб мець лепшыя, чым у канкурэнтаў паказчыкі, піша выданне Fortune.

Гэтая думка была агучана Шмітам у адказ на пытанне студэнтаў Стэнфардскага ўніверсітэта, чаму карпарацыя Google пры ўсіх яе рэсурсах і магчымасцях у галіне штучнага інтэлекту саступае такім невялікім кампаніям, як OpenAI (стваральніца сусветна вядомай нейрасеткі ChatGPT).

«Google вырашыла, што баланс асабістага і прафесійнага жыцця разам з магчымасцю пайсці з працы крыху раней і працаваць з дому важнейшыя за перамогу. А прычына, чаму стартапы больш эфектыўныя, менавіта ў тым, што людзі там працуюць як шалёныя.

Не хачу падацца вам рэзкім, але факт застаецца фактам: калі вы скончыце ўніверсітэт і захочаце заснаваць сваю кампанію, якая будзе добра канкураваць з іншымі стартапамі, то вы не дазволіце супрацоўнікам працаваць аддалена з дому і прыходзіць на працу ўсяго адзін раз на тыдзень», — параіў студэнтам Стэнфарда былы гендырэктар карпарацыі Google Эрык Шміт.

Крытычныя заявы бізнэсмена трансляваліся на YouTube адміністрацыяй Стэнфардскага ўніверсітэта (відэа сабрала амаль паўтара мільёнаў праглядаў), але праз невялікі час з-за масавага абурэння людзей у каментарах пад відэа прамова Эрыка Шміта была выдаленая з платформы.

Аднак яе поўная расшыфроўка на англійскай мове была захаваная карыстальнікамі партала Github.

Сам Шміт потым выбачыўся за сваю прамову ў Стэнфардзе і падкрэсліў, што шкадуе пра сказаныя ім абразы ў адрас «дыстанцыйнікаў».

Каментары15

  • Бізнес
    18.08.2024
    Усё правільна ён сказаў «калі вы скончыце ўніверсітэт і захочаце заснаваць сваю кампанію, якая будзе добра канкураваць з іншымі стартапамі, то вы не дазволіце супрацоўнікам працаваць аддалена з дому і прыходзіць на працу ўсяго адзін раз на тыдзень».
  • Экс-айтишник
    18.08.2024
    Типикал погонщик на американской галере. Хотя, в epam, например, не было такого. Даже до ковида спокойно можно было не приходить в офис в Минске, работать из дома (не спрашивая разрешения у PMа/ресурсника) и никто тебе ниче бы не сделал, если хорошо работаешь, конечно. А вот во время коронавируса многие офисные хомяки стали пинать болт на удалёнке, потом ещё и релокейтнулись + были на удалёнке. Это вобще ужас. Был в то время тимлидом, нормально работало меньше половины гребцов. Но вобще, сама по себе удалёнка в IT это норм, иногда люди даже больше работают так, потому что нет разделения между домом и работой. Некоторые и в 23:00, и после полночи подключаются и работают, потому что спать невозможно порой, мозг не отключается от задач
  • ямі
    18.08.2024
    Клясыка, капіталіст хоча высмактаць усе сокі з працаўнікоў. Хоча, каб яны працавалі на дзядзю "як шалёныя".
    Не, баценька, да халеры ідзіце) Няма дурных, з такімі нагрузкамі і перапрацоўкамі. Людзи родных ня бачаць тыднямі і начуюць у офісе, і я не толькі пра Гугл.

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць