У школах Беларусі будуць праводзіць «ранішнія фільтры». Што гэта такое?
Дактары збіраюцца змагацца з ростам прастудных захворванняў пасля пачатку навучальнага года.

У беларускіх школах з пачатку навучальнага года збіраюцца праводзіць «ранішнія фільтры». Так эпідэміёлагі назвалі апытанне дзяцей аб стане здароўя.
З пачаткам навучальнага года прагназуецца традыцыйны сезонны ўздым захворвання на вострыя рэспіраторныя інфекцыі, распавяла намеснік кіраўніка Рэспубліканскага цэнтра гігіены, эпідэміялогіі і грамадскага здароўя Ала Дашкевіч. Гэта звязана з вяртаннем дзяцей і студэнтаў пасля канікул, а таксама завяршэннем адпачынкаў у дарослых, піша «СБ».
Міністэрства аховы здароўя плануе ўзмацніць правядзенне санітарна-супрацьэпідэмічных мерапрыемстваў.
«Так, будуць праводзіцца ранішнія фільтры. Дзяцей і падлеткаў будуць апытваць пра стан здароўя. Пры наяўнасці скаргаў, бачных сімптомаў захворванняў навучэнцам памераюць тэмпературу, таксама будзе праведзены больш дэталёвы медыцынскі агляд. Акрамя таго, будзе ўзмоцнены кантроль за выкананнем дзецьмі і падлеткамі правілаў асабістай гігіены», — распавяла Дашкевіч.
Таксама асаблівую ўвагу будуць надаваць школьнаму харчаванню.
-
«Заробак стартаваў з $440». Беларускі расказалі, як працуюць і зарабляюць на Блізкім Усходзе
-
Прадстаўніца Акадэміі навук раскрыла ўзровень нараджальнасці ў Беларусі. Ён жахліва нізкі
-
«Рукі прэч ад сасісачак!». У сацсетках горача абмяркоўваюць барацьбу Лукашэнкі з кавай на запраўках. Некаторыя заклікаюць дзейнічаць больш жорстка
Каментары
а тут выдумывают вечно что-то. деньги вбухивают в столовку в итоге большинство не ест