Грамадства

У Брэсце за ўдзел у паслявыбарчых пратэстах асудзілі адразу 11 чалавек

У судзе Брэсцкага раёна 12 верасня вынеслі масавы прысуд паводле ч. 1 арт. 342 КК (актыўны ўдзел у дзеяннях, што груба парушаюць грамадскі парадак).

За ўдзел у акцыі пратэсту 10 жніўня 2020 года асудзілі адразу 11 мясцовых жыхароў, піша «Вясна».

Гэта Ілля Сабко, Аляксандр Зайцаў, Мікалай Каплюк, Кірыл Еўтышык, Мікалай Місюк, Артур Зарэмба, Дзмітрый Лысюк, Алег Бандарук, Міхаіл Верамчук, Дзмітрый Салавейка, Дзяніс Якавенка. Суддзя прызначыў ім тэрміны ад двух гадоў «хатняй хіміі» да паўтара года калоніі. 

Паводле інфармацыі «Берасцейскай Вясны», прысудам стала:

  • Мікалай Місюк — адзін год калоніі ва ўмовах агульнага рэжыму;
  • Міхаіл Верамчук — два гады «хатняй хіміі» (абмежаванні свабоды без накіравання ў папраўчую ўстанову адкрытага тыпу);
  • Дзмітрый Салавейка — два гады і шэсць месяцаў «хатняй хіміі» (абмежаванні свабоды без накіравання ў папраўчую ўстанову адкрытага тыпу);
  • Ілля Сабко, Аляксандр Зайцаў, Мікалай Каплюк, Кірыл Еўтушык, Артур Зарэмба, Дзмітрый Лысюк, Алег Бандарук, Дзяніс Якавенка — па адным годзе і шасці месяцаў калоніі ва ўмовах агульнага рэжыму кожнаму.

Сутнасць абвінавачвання супраць усіх палягала ў тым, што людзі 10 жніўня 2020 года ў Брэсце «выкрыквалі лозунгі, дэманстравалі палотны бел-чырвона-белага колеру, выходзілі на праезную частку». Гэтым яны нібыта груба парушалі грамадскі парадак.

Такім чынам, як адзначаюць брэсцкія праваабаронцы, раней 70 чалавек асудзілі да калоніі паводле артыкула 293 КК (удзел у масавых беспарадках). Пасля некаторага зацішша, у канцы 2023 года з'явіліся новыя затрыманні за тыя пратэсты — улады пачалі прад'яўляць ужо артыкул 342 КК. Ужо вядома пра 48 асуджаных паводле артыкула 342 КК за пратэсты ў Брэсце, якія праходзілі 10 жніўня 2020 года. 

Каментары

Цяпер чытаюць

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Усе навіны →
Усе навіны

УСУ ўдарылі па Крымскім мосце. Рух транспарту спынены15

Турысты накідалі ў фантан Трэві амаль на 200 тысяч еўра менш пасля таго, як падыход да яго зрабілі платным4

Кітайскі маркетплэйс Temu сам прапанаваў беларусцы супрацоўніцтва, але зліўся, калі даведаўся яе грамадзянства13

Мінабароны расказала, як над Беларуссю збіваюць заблукалыя дроны2

З Янам Памедорам Рэуцкім развіталіся ў Варшаве

Канкурэнт Starlink страціў 40 спадарожнікаў: ракета не даляцела да арбіты

Сабаленка адкацілася на трэцяе месца ў сусветным рэйтынгу

Сэрца — амаль адзіны орган, які не хварэе на рак. Навукоўцы пачынаюць разумець чаму1

Грэцкі агонь, антыкітэрскі механізм, сільфій ды іншыя страчаныя вынаходніцтвы. Чаму чалавецтва іх забыла?1

больш чытаных навін
больш лайканых навін

На канцэрт Кадышавай у Мінску ў какошніках прыйшлі нават мужчыны85

На канцэрт Кадышавай у Мінску ў какошніках прыйшлі нават мужчыны

Галоўнае
Усе навіны →

Заўвага:

 

 

 

 

Закрыць Паведаміць