Палітзняволенаму журналісту Ігару Карнею працягнулі знаходжанне ў ПКТ
Палітзняволенага журналіста Ігара Карнея пакінулі ў ПКТ (памяшканні камернага тыпу) яшчэ прынамсі на 4 месяцы. Пра гэта паведаміла крыніца «Радыё Свабода», якая прасіла не называць яе дзеля бяспекі. За што на Ігара наклалі спагнанне, крыніцы невядома.
У сакавіку журналіста Ігара Карнея пакаралі 3 гадамі зняволення паводле ч. 3 арт. 361-1 Крымінальнага кодэкса («удзел у экстрэмісцкім фармаванні»). Адбываць пакаранне Карнея накіравалі ў калонію № 17 у Шклове. Улетку, паводле крыніцы, Ігара змясцілі ў ПКТ першы раз. Тэрмін дадатковай ізаляцыі павінен быў закончыцца ў жніўні, але цяпер стала вядома, што ў атрад з ПКТ палітвязень так і не вярнуўся.
«Вядома, што да канца студзеня 2025 года ён прабудзе ў ПКТ. Званкі яму забароненыя, пасылку з цёплымі рэчамі не атрымае, адна ўжо вярнулася, бандэроль толькі праз 6 месяцаў. Часам піша лісты», — паведаміла крыніца.
Вядомыя і некаторыя бытавыя падрабязнасці жыцця Ігара Карнея ў ПКТ.
«Шпацыр у яго 30 хвілін на дзень. З задавальненнем выходзіць на прагулку пры любым надвор'і. З бібліятэкі бярэ чытаць кнігі. Часу на чытанне там мала, але які ёсць, выкарыстоўвае цалкам», — паведаміла крыніца пра Ігара Карнея.
Ігару Карнею 56 гадоў. 5 кастрычніка іх з жонкай шлюбу споўніцца 33 гады. У іх чатыры дачкі. Другі год яны будуць адзначаць сямейнае свята асобна. Сям’я Ігара Карнея выехала з Беларусі праз пагрозу пераследу.
Журналіст Ігар Карней прызнаны беларускімі праваабаронцамі палітвязнем. Паводле Беларускай асацыяцыі журналістаў, у зняволенні цяпер знаходзяцца 33 беларускія журналісты.
Цяпер чытаюць
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе5
«А што адбываецца?» Чэргі на беларуска-расійскай мяжы цяпер не толькі на асноўным пераходзе, а нават на глухой дарозе
Пасол Украіны па пытаннях Беларусі адказаў на дыскусію Вячоркі і крытыкаў Ціханоўскай: Ваша ўзаемная непрымальнасць адыгрывае вельмі неканструктыўную ролю5252
Каментары