«Могуць пайсці і знайсці іншага лоха!» Трамп перасцярог БРІКС ад спробаў увесці ўласную валюту
На сваёй старонцы ў сацсетцы Truth абраны прэзідэнт ЗША Дональд Трамп прыгразіў дзяржавам, якія ўваходзяць у арганізацыю БРІКС, увядзеннем «100% пошлін» за спробы адмовы ў разліках ад амерыканскага даляра.
«Спробы таго, што краіны БРІКС спрабуюць адысці ад даляра, пакуль мы стаім і назіраем, скончаныя! Мы патрабуем ад гэтых краін абавязацельстваў не ствараць новую валюту БРІКС і не падтрымліваць ніякую іншую валюту, каб замяніць магутны даляр ЗША, інакш яны сутыкнуцца са 100%-мі пошлінамі і павінны будуць развітацца з продажамі ў выдатную эканоміку ЗША. Яны могуць пайсці і знайсці іншага лоха!
Няма ніякіх шанцаў, што БРІКС заменіць даляр ЗША ў міжнародным гандлі, і любая краіна, якая паспрабуе гэта зрабіць, павінна памахаць Амерыцы ручкай», — напісаў Трамп.
Найбольшым прыхільнікам ідэі стварэння агульнай валюты БРІКС з'яўляецца Расія, якая пасля пачатку поўнамаштабнай вайны супраць Украіны апынулася пад моцнымі міжнароднымі санкцыямі. Прэзідэнт Расіі Уладзімір Пуцін неаднаразова станоўча выказваўся пра магчымасць стварэння агульнай валюты БРІКС і новай сістэмы міжнародных разлікаў, альтэрнатыўнай SWIFT, «дзеля эфектыўнай барацьбы з далярам і лепшага пазбягання фінансавых абмежаванняў з боку Захаду».
На апошнім саміце арганізацыі, які адбыўся ў канцы кастрычніка ў Казані Пуцін адзначыў, што Расія «вымушана шукаць альтэрнатыву даляру, бо сам Захад абмяжоўвае яго выкарыстанне для Масквы». На гэтым саміце таксама было прадстаўлены нават прататып банкноты для гэтай валюты, які, праўда, вонкава выглядае як вельмі «сыры».
Пасля артыкула «Нашай Нівы» стваральнікі банкноты БРІКС размылі яе выяву. Але памылкі ўсё роўна бачныя
Пуціну эксклюзіўна паказалі прататып валюты БРІКС, «якая абрыне даляр». Мы адшукалі арыгінал банкноты, ёсць дзіўнасці са сцягам Беларусі
Што прадугледжвае мірны план будучага спецпрадстаўніка Трампа па Украіне
Трамп збіраецца ўвесці надзвычайнае становішча, каб дэпартаваць усіх нелегалаў з ЗША
Кепскі мір ці зацяжная вайна. Як Украіна рыхтуецца да таго, што Трамп паспрабуе адразу пасадзіць яе за стол перамоваў
Сын Трампа назваў ідыётамі тых, хто даў дазвол на дальнабойныя ўдары па Расіі
Максім Знак наведаў спектакль «Зэкамерон», пастаўлены па ягонай кнізе, напісанай у СІЗА4
Каментары