Цана біткойна ўпершыню ў гісторыі паднялася вышэй за $100 тыс. — у 5:39 па Мінску на біржы Binance была зафіксавана цана ў $100184.
У лістападзе крыптавалюта пачала расці ў цане пасля выбараў прэзідэнта ЗША, на якіх атрымаў перамогу Дональд Трамп. На той момант цана была на адзнацы $68 тыс.
Такі рост звязаны з заявамі рэспубліканца аб крыптавалютным рынку. Трамп, у прыватнасці, абяцаў зрабіць ЗША «крыптасталіцай планеты» і назапасіць запас біткойнаў. «Калі крыптавалюта будзе вызначаць будучыню, я хачу, каб яе майнілі, чаканілі і выраблялі ў ЗША», — заявіў Трамп.
Эксперты, апытаныя Reuters у першай палове лістапада, адзначалі выключную заслугу Трампа ў павышэнні цаны біткойна. Аналітык рынку ATFX Global у Сіднэі Нік Твідэйл казаў, што будучы прэзідэнт падтрымлівае галіну, а сама крыптавалюта, мабыць, была недаацэненая. Як паказваў галоўны інвестыцыйны дырэктар кампаніі па кіраванні крыптавалютнымі актывамі Astronaut Capital Мэцью Дзіб, палітыка Трампа павялічвае шанцы таго, што іншыя дзяржавы пачнуць купляць біткойны, «спрабуючы апярэдзіць ЗША».
На фоне павышэння цаны біткойна таксама сталі расці акцыі кампаній, якія займаюцца майнінгам і гандлем крыптавалютамі.
Цяпер чытаюць
Мінчук зняў ролік пра чаргу ў паліклініцы, дзе было больш за 150 чалавек. За гэта на яго напісалі заяву ў міліцыю10
Каментары
нет никакой роли ни выборам ни трампу в росте биткоина..
у биткоина 4-х летний цикл роста и отката... сейчас - фаза роста до весны.
он вырос бы в ЛЮБОМ случае.
и да.. это только самое начало роста... все, кто в теме, это прекрасно знают, а остальные искренне уивляются "ой как вырос биткоин"..
еще и не то будет .. еще и 150 увидим.. и ВОЗМОЖНО - 200.