Сапраўдны сайт КДБ даўно ўзламалі «Кіберпартызаны», ён не працуе.
Праўладныя тэлеграм-каналы паведамляюць, што з'явіўся падроблены сайт КДБ Беларусі.
Сайт мае дамен kgb-by.org, ён запрацаваў з 12 снежня. Рэсурс капіюе стары сайт КДБ, толькі ўсе спасылкі з галоўнай старонкі вядуць у нікуды.
«Адзіная мэта фэйкавага сайта — заахвоціць карыстальніка да «зваротнай сувязі з КДБ». Праз некалькі секунд пасля загрузкі галоўнай старонкі з'яўляецца акно, дзе прапануецца напісаць паведамленне, указаўшы свае асабістыя звесткі і прымацаваць фота і\або скрыны дакументаў «для пацверджання асобы». У шапцы сайта пазначаныя фэйкавая электронная пошта і фэйкавы чат — бот «КДБ» — таксама для збору асабістых звестак людзей», — гаворыцца ў паведамленні.
Таксама зазначаецца, што афіцыйны сайт КДБ цяпер не працуе, а знаходзіцца ў распрацоўцы.
«Месячны плацеж пацягне на 340 рублёў». Што будзе ў Беларусі з мабільным інтэрнэтам?15
Каментары
> "информационную «консерву» вскрыли накануне президентских выборов в Беларуси"
Што паўтырылі і тут у артыкуле, без праверкі: "Сайт мае дамен kgb-by.org, ён запрацаваў з 12 снежня."
Насамрэч ён з лета і працуе.
Як і тэлеграм-канал з навінамі ад нібыта КДБ. Афіцыйных зараз няма, вось нехта і зрабіў, стараецца :)
А праўладны "антыфэйк" толькі зараз заўважыў і імітуе пільнасць.