Sapraŭdny sajt KDB daŭno ŭzłamali «Kibierpartyzany», jon nie pracuje.
Praŭładnyja telehram-kanały paviedamlajuć, što źjaviŭsia padrobleny sajt KDB Biełarusi.
Sajt maje damien kgb-by.org, jon zapracavaŭ z 12 śniežnia. Resurs kapijuje stary sajt KDB, tolki ŭsie spasyłki z hałoŭnaj staronki viaduć u nikudy.
«Adzinaja meta fejkavaha sajta — zaachvocić karystalnika da «zvarotnaj suviazi z KDB». Praź niekalki siekund paśla zahruzki hałoŭnaj staronki źjaŭlajecca akno, dzie prapanujecca napisać paviedamleńnie, ukazaŭšy svaje asabistyja źviestki i prymacavać fota i\abo skryny dakumientaŭ «dla paćvierdžańnia asoby». U šapcy sajta paznačanyja fejkavaja elektronnaja pošta i fejkavy čat — bot «KDB» — taksama dla zboru asabistych źviestak ludziej», — havorycca ŭ paviedamleńni.
Taksama zaznačajecca, što aficyjny sajt KDB ciapier nie pracuje, a znachodzicca ŭ raspracoŭcy.
Kamientary
> "informacionnuju «konsiervu» vskryli nakanunie priezidientskich vyborov v Biełarusi"
Što paŭtyryli i tut u artykule, biez pravierki: "Sajt maje damien kgb-by.org, jon zapracavaŭ z 12 śniežnia."
Nasamreč jon ź leta i pracuje.
Jak i telehram-kanał z navinami ad nibyta KDB. Aficyjnych zaraz niama, voś niechta i zrabiŭ, starajecca :)
A praŭładny "antyfejk" tolki zaraz zaŭvažyŭ i imituje pilnaść.