Пастанова Міністэрства працы і сацабароны №99 ад 12 снежня прадугледжвае дадаванне да пераліку некалькіх прафесій рабочых і пасад служачых, на якія ў наступным годзе можна прыцягваць замежных грамадзян.
Як паведамілі ў Мінпрацы, у спіс вырашана дадаць шэсць новых спецыяльнасцяў: манцёр пуцей, прадавец, слесар-сантэхнік, а таксама інжынер-электронік, тэхнік, электрамеханік.
У агульным ліку пералік цяпер уключае 41 прафесію рабочых і 18 пасад служачых. Пастанова ўступіць у сілу з 1 студзеня 2025 года.
У міністэрстве нагадалі, што пры працаўладкаванні іншаземцаў па прафесіях з гэтага пераліку не трэба атрымліваць спецыяльны дазвол. Арганізацыі трэба толькі на працягу 3 працоўных дзён з даты заключэння працоўнага дагавора пісьмова паведаміць пра гэта падраздзяленне па грамадзянстве і міграцыі ГУУС Мінгарвыканкама, УУС аблвыканкама па месцы знаходжання (месцы жыхарства), калі іншае не прадугледжана заканадаўчымі актамі.
Пры гэтым з іншаземцамі могуць заключацца толькі тэрміновыя працоўныя дамовы на перыяд да заканчэння дзеяння пастановы, гэта значыць да 31 снежня 2025 года.
Цяпер чытаюць
«Лукашэнка на мінімалках». «Беларускі каханак усяе Русі» стаў кумірам жаночага тыктока1
«Лукашэнка на мінімалках». «Беларускі каханак усяе Русі» стаў кумірам жаночага тыктока
Пагражаў вайскоўцам раскрыць, хто з іх гомасэксуал, каб выпытаць сакрэты і прадаць Украіне. Вось за што адыёзны функцыянер БРСМ атрымаў 17 гадоў калоніі1212
Каментары