Што вам больш за ўсё падабаецца на сайце «Нашай Нівы», а чаго не хапае? Раскажыце!
Нам цікавае кожнае меркаванне.
Сканчаецца 2024 год, сёння яго апошні дзень. Увесь гэты час каманда «Нашай Нівы» была побач з вамі. Мы шукалі для вас самыя важныя навіны, расказвалі самыя цікавыя гісторыі, тлумачылі, што адбываецца ў Беларусі і ў свеце. Штосьці ў нас атрымлівалася лепш, штосьці горш. Але паверце, мы сапраўды стараліся — працаваць як мага аператыўней, трымаць баланс паміж сур’ёзным і забаўляльным, пры магчымасці адукоўваць. І канечне, пашыраць беларушчыну — насуперак жаданням ворагаў, якія мараць, каб Беларусі не існавала.
Любое медыя працуе для сваіх чытачоў і гледачоў. Калі нехта піша ў сацсетках ці кажа нам ужывую, што пачынае і сканчае свой дзень з «Нашай Нівы», то для нас гэта найлепшая ўзнагарода. Значыць, усё гэта не дарма.
Мы ўважліва вывучаем статыстыку, каб разумець, што цікавіць аўдыторыю. Але за сухімі лічбамі можа хавацца штосьці невідавочнае, але вартае ўвагі. Мы хочам няспынна паляпшацца і гатовыя выслухоўваць заўвагі і прапановы.
Напішыце ў каментарах — што вам больш за ўсё падабаецца на сайце «Нашай Нівы», а чаго не хапае.
Мы папросім мадэратараў сёння дазваляць трошкі больш вольнасці, чым звычайна. Крытыка дапушчальная, але калі ласка, абыдзіцеся без абразаў у любы бок.
-
400‑тысячны артыкул апублікаваны на сайце «Нашай Нівы». А пра што былі 300-тысячны, 200-тысячны, 100-тысячны?
-
А мы вам казалі: «не думайце, што гэта капейкі»! Сталі вядомыя звесткі, колькі падаходнага беларусы Літвы пералічылі розным грамадскім структурам
-
Калі вы працуеце ў Польшчы, то можаце за хвіліну падтрымаць «Нашу Ніву» 1,5% падаходнага, не патраціўшы ані гроша. Вось як
Цяпер чытаюць
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»29
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары
Не падабаюцца пустыя бязглуздыя навіны, пэўная жаўцізна (елка з мандарынаў, невядомы клуб макслайн змяніў назву) - чытаеш і проста закрываеш, і ні хочацца да вас вяртацца потым тыднямі.