У 43 гады памёр беларускі доктар з «хваробай Стывена Хокінга» Уладзімір Чуксін
У ноч на 20 лютага памёр Уладзімір Чуксін — беларускі доктар, у якога быў бакавы аміятрафічны склероз (БАС), вядомы як «хвароба Стывена Хокінга». Яму было 43 гады, і сем з іх ён пражыў з гэтым дыягназам, піша «Люстэрка».
18 лютага Уладзімір напісаў у сваім тэлеграм-канале, што захварэў і «пастоў пакуль не будзе». Пасля ён трапіў у бальніцу, і ўжо 20 лютага яго не стала.
Першых 36 гадоў Уладзімір жыў звычайным жыццём: працаваў траўматолагам-артапедам у 6-й клінічнай бальніцы Мінска, праводзіў складаныя аперацыі.
У студзені 2017 года у яго пачалі з’яўляцца першасныя сімптомы БАС — ён губляў раўнавагу, падаў, змянілася хада. Спачатку дактары лічылі, што прычына — барэліёз, але пасля паставілі іншы дыягназ — бакавы аміятрафічны склероз.
Хвароба развівалася імкліва: праз год Уладзімір ужо перасоўваўся на электракаляске і з цяжкасцю глытаў.
Бакавы аміятрафічны склероз — гэта невылечнае захворванне цэнтральнай нервовай сістэмы, якое прыводзіць да паралічу і атрафіі мышцаў. Гэты дыягназ быў пастаўлены і знакамітаму фізіку Стывену Хокінгу.
«У сакавіку мінулага года я яшчэ працаваў і хадзіў у аперацыйную, а да Новага года ўжо не мог устаць з канапы. Хвароба развіваецца вельмі хутка… Праходзіць два тыдні — і ты ўжо чаго-небудзь не можаш. Яшчэ два тыдні — яшчэ нешта…», — распавядаў Уладзімір у інтэрв’ю TUT.BY у чэрвені 2018 года.
За Уладзімірам Чуксіным даглядалі бацька і сябры, якіх ён у жарце называў «паплечнікамі». Нягледзячы на цяжкую хваробу, ён захоўваў аптымізм, шмат жартаваў, сочыў за новымі метадамі лячэння і нават запісаў свой голас, каб у будучыні яго можна было сінтэзаваць.
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў9
Вінакурню Любанскага ў Мінску закрыў сакрэтны гмах, дзе запраектаваныя кабінеты для допытаў і памяшканне для спальвання дакументаў
Беларус-вахтавік на Ямале стварае песні на беларускай мове з дапамогай ШІ. «Раней музыка была закрытым клубам. Нейрасеткі адчынілі гэтыя дзверы з нагі»1919
Каментары