Раман Пратасевіч расказаў, якую новую прафесію плануе атрымаць найбліжэйшым часам
«Гэта такое рамяство, якім я, калі што, змагу займацца ў любым пункце свету».
Былы галоўны рэдактар канала «Нехта» і былы зваршчык Раман Пратасевіч, які нядаўна стаў велакур’ерам, распавёў, што знайшоў новую справу для сябе.
Пратасевіч кажа, што хоча паспрабаваць сябе ў новай справе, а таксама што спадзяецца на спакойнае жыццё без аглядкі на мінулае. Хутка ён плануе пачаць навучанне на бармена.
«Я больш не хачу азірацца на тое, што было», — сказаў Пратасевіч. Ён паведаміў, што ў маі пачнуцца курсы навучання на бармена.
«Так, менавіта так — вам не пачулася. Я проста падумаў, што гэта вельмі нядрэнная праца: і камунікацыя з людзьмі, і пэўны сучасны вайб», — мяркуе ён.
Пратасевіч адзначыў, што прафесія бармена, як і, напрыклад, зваршчыка, можа быць карыснай у любой краіне.
«Усё наладжваецца, і я спадзяюся, што ў вас таксама», — дадаў ён.
Акрамя таго, Раман Пратасевіч распавёў пра сваю новую мару — навучыцца граць на гітары і спяваць. Ён ужо выбраў сабе гітару за 430 рублёў і шукае курсы па вакале. Раман просіць пра матэрыяльную дапамогу ў здзяйсненні гэтай мары сваіх чытачоў.
«У панядзелак, 5 траўня, мне 30 [гадоў]. І хочацца пачаць новы этап з новымі мэтамі», — кажа ён.
-
Расіяніну, які п'яным пабіўся з ахоўнікамі мінскага метро, вынеслі лагодны прысуд
-
Латушка пра магчымасць вайны ў Беларусі: Гэта ж вар'яцтва, не ўяўляю, як крамлёўская прапаганда будзе тлумачыць гэта
-
«Да канца года, спадзяюся, зможам рэалізаваць адну-дзве рэчы». Бабарыка — пра свой новы праект і беларускую мову
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»30
Ціханоўская: Перамены ў Беларусі — гэта пытанне часу. Вось асноўныя тэзісы яе выступу на канферэнцыі «Новая Беларусь»
DDoS-атака ідзе на сайты адразу некалькіх беларускіх СМІ. Магчыма, яна звязаная з шостай гадавінай народнага ўздыму 2020‑га і канферэнцыяй «Новая Беларусь», што адкрылася сёння66
Каментары