U 43 hady pamior biełaruski doktar z «chvarobaj Styviena Chokinha» Uładzimir Čuksin
U noč na 20 lutaha pamior Uładzimir Čuksin — biełaruski doktar, u jakoha byŭ bakavy amijatrafičny skleroz (BAS), viadomy jak «chvaroba Styviena Chokinha». Jamu było 43 hady, i siem ź ich jon pražyŭ z hetym dyjahnazam, piša «Lusterka».
18 lutaha Uładzimir napisaŭ u svaim telehram-kanale, što zachvareŭ i «pastoŭ pakul nie budzie». Paśla jon trapiŭ u balnicu, i ŭžo 20 lutaha jaho nie stała.
Pieršych 36 hadoŭ Uładzimir žyŭ zvyčajnym žyćciom: pracavaŭ traŭmatołaham-artapiedam u 6-j kliničnaj balnicy Minska, pravodziŭ składanyja apieracyi.
U studzieni 2017 hoda u jaho pačali źjaŭlacca pieršasnyja simptomy BAS — jon hublaŭ raŭnavahu, padaŭ, źmianiłasia chada. Spačatku daktary ličyli, što pryčyna — barelijoz, ale paśla pastavili inšy dyjahnaz — bakavy amijatrafičny skleroz.
Chvaroba raźvivałasia imkliva: praz hod Uładzimir užo pierasoŭvaŭsia na elektrakalaskie i ź ciažkaściu hłytaŭ.
Bakavy amijatrafičny skleroz — heta nievylečnaje zachvorvańnie centralnaj niervovaj sistemy, jakoje pryvodzić da paraliču i atrafii myšcaŭ. Hety dyjahnaz byŭ pastaŭleny i znakamitamu fiziku Styvienu Chokinhu.
«U sakaviku minułaha hoda ja jašče pracavaŭ i chadziŭ u apieracyjnuju, a da Novaha hoda ŭžo nie moh ustać z kanapy. Chvaroba raźvivajecca vielmi chutka… Prachodzić dva tydni — i ty ŭžo čaho-niebudź nie možaš. Jašče dva tydni — jašče niešta…», — raspaviadaŭ Uładzimir u intervju TUT.BY u červieni 2018 hoda.
Za Uładzimiram Čuksinym dahladali baćka i siabry, jakich jon u žarcie nazyvaŭ «paplečnikami». Niahledziačy na ciažkuju chvarobu, jon zachoŭvaŭ aptymizm, šmat žartavaŭ, sočyŭ za novymi mietadami lačeńnia i navat zapisaŭ svoj hołas, kab u budučyni jaho možna było sintezavać.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary