Фонд Талая зноў перадаў гуманітарную дапамогу на акупаваныя тэрыторыі Украіны
Гродненская «Фармацыя» праз фонд Талая перадала гуманітарную дапамогу ў Курскую вобласць Расіі і на Данбас. Ва Украіне супраць праўладнага беларускага паралімпійца Аляксея Талая распачата крымінальная справа аб вывазе дзяцей з акупаваных тэрыторый.
«Фармацыя» адзначыла, што збірала лекі для пацярпелых ад вайны ў Курскай вобласці і на Данбасе. Сума чарговай перадачы — 5 тысяч рублёў.
Арганізацыя падрыхтавала лекі праз фонд Аляксея Талая. Гэты фонд працуе пры падтрымцы Лукашэнкі і займаецца праектам «Адпачынак дзяцей Данбаса ў Беларусі».
Ва Украіне дзейнасць Аляксея Талая разглядаецца ў межах крымінальнай справы аб парушэннях звычаяў вядзення вайны (арт. 438 КК) за вываз дзяцей з акупаваных тэрыторый. Згодна з украінскім заканадаўствам, яму пагаджае ад 8 ці 15 год зняволення ці пажыццёвы тэрмін.
У маі 2024 года Талай быў на ўручэнні Пуціным узнагароды «выдатным грамадзянам Расіі». Там беларускі праўладны актывіст прадстаўляў свой фонд. У прамове на мерапрыемстве Талай сказаў:
«Мы ганарымся, што вы з нашым лідарам Аляксандрам Рыгоравічам Лукашэнкам так па-братэрску трымаеце строй! І трэці волат, Наваросія, вернецца аднойчы да нас! Мы — рускія! З намі Бог!».
Па ўсёй краіне круцяць фільм пра Аляксея Талая. Квіткі прадаюць за 1 рубель, але ці ёсць гледачы?
«Перавыхоўваюць і мілітарызуюць». Для суда ў Гаазе падрыхтавалі даклад пра тое, хто і як вывозіць украінскіх дзяцей у Беларусь
Аляксей Талай здымаецца ў расійскім фільме пра вайну
Аляксей Талай прапанаваў даць Лукашэнку званне Героя Беларусі
Аляксей Талай — Пуціну: Мы — рускія, з намі Бог!
«Беларусьфільм» здымае кіно пра Аляксея Талая
Цяпер чытаюць
Што азначае з’яўленне выхадцаў з Беларусі ў расійскім спецпадраздзяленні для асабліва важных аперацый і тайных забойстваў?17
Каментары