Офіс Ціханоўскай: Гуманітарныя візы павінны выкарыстоўвацца строга па прызначэнні
Дарадца Святланы Ціханоўскай Дзяніс Кучынскі пракаментаваў сітуацыю са скарачэннем выдачы гуманітарных візаў беларусам у Польшчы.
Дзяніс Кучынскі падкрэсліў, што рашэнне Польшчы аб узмацненні сістэмы выдачы візаў накіравана на забеспячэнне празрыстасці і бяспекі міграцыйных працэсаў, бо
гуманітарныя візы павінны выкарыстоўвацца строга па прызначэнні — для абароны людзей, якія сапраўды знаходзяцца пад пагрозай пераследу.
Пры гэтым Дзяніс Кучынскі адзначыў, што скарачэнне выдачы гуманітарных візаў у Польшчы нагадвае пра пытанні іх атрымання ў іншых краінах, перадусім у Грузіі, «якая раней лічылася бяспечнай, аднак значная колькасць беларусаў, якія там знаходзяцца цяпер, сапраўды могуць сутыкнуцца з пагрозай дэпартацыі і экстрадыцыі». У гэтым кантэксце «важна распрацоўваць альтэрнатыўныя механізмы, якія дадуць магчымасць людзям атрымаць абарону ў іншых бяспечных краінах».
Што тычыцца шэнгенскіх візаў, то, па словах дарадцы Святланы Ціханоўскай, беларусы могуць атрымаць іх у амбасадах Італіі, Францыі, Германіі ў Мінску, а таксама праз візавыя цэнтры.
Праблема ў тым, што рэжым Лукашэнкі не дазваляе пашыраць консульскія паслугі ў Беларусі, і гэта ўскладняе працэс. Што тычыцца беларускіх дэмакратычных сіл, то яны пастаянна звяртаюцца да еўрапейскіх урадаў з просьбай павялічыць колькасць даступных візаў, нягледзячы на сур’ёзныя перашкоды.
Краіны Еўрасаюза ўзгаднілі запуск новай сістэмы ўезду і выезду ў Шэнгенскую зону
Польскае МЗС пастрожыла падыходы да выдачы гуманітарных віз беларусам
На візу па карце паляка ў Мінскай консульскай акрузе цяпер можна запісацца па электроннай пошце
Мінчукі атрымалі балгарскую шэнгенскую візу, але за дзень да паездкі яе анулявалі
Кіраўнік візавага агенцтва патлумачыў у сацсетках «адкуль такія цэны на запіс на візу»
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы74
Каментары
Італія - час ад пачатку працэсу ад атрымання візы на сёння 8-12 месяцаў, Францыя - толькі па запрашэннях ад сваякоў, Германія - час чакання пад 12 месяцаў. "Могуць атрымаць". Каб той Кучынскі так заўсёды візы атрымліваў...