Ofis Cichanoŭskaj: Humanitarnyja vizy pavinny vykarystoŭvacca stroha pa pryznačeńni
Daradca Śviatłany Cichanoŭskaj Dzianis Kučynski prakamientavaŭ situacyju sa skaračeńniem vydačy humanitarnych vizaŭ biełarusam u Polščy.
Dzianis Kučynski padkreśliŭ, što rašeńnie Polščy ab uzmacnieńni sistemy vydačy vizaŭ nakiravana na zabieśpiačeńnie prazrystaści i biaśpieki mihracyjnych pracesaŭ, bo
humanitarnyja vizy pavinny vykarystoŭvacca stroha pa pryznačeńni — dla abarony ludziej, jakija sapraŭdy znachodziacca pad pahrozaj pieraśledu.
Pry hetym Dzianis Kučynski adznačyŭ, što skaračeńnie vydačy humanitarnych vizaŭ u Polščy nahadvaje pra pytańni ich atrymańnia ŭ inšych krainach, pieradusim u Hruzii, «jakaja raniej ličyłasia biaśpiečnaj, adnak značnaja kolkaść biełarusaŭ, jakija tam znachodziacca ciapier, sapraŭdy mohuć sutyknucca z pahrozaj departacyi i ekstradycyi». U hetym kantekście «važna raspracoŭvać alternatyŭnyja miechanizmy, jakija daduć mahčymaść ludziam atrymać abaronu ŭ inšych biaśpiečnych krainach».
Što tyčycca šenhienskich vizaŭ, to, pa słovach daradcy Śviatłany Cichanoŭskaj, biełarusy mohuć atrymać ich u ambasadach Italii, Francyi, Hiermanii ŭ Minsku, a taksama praź vizavyja centry.
Prablema ŭ tym, što režym Łukašenki nie dazvalaje pašyrać konsulskija pasłuhi ŭ Biełarusi, i heta ŭskładniaje praces. Što tyčycca biełaruskich demakratyčnych sił, to jany pastajanna źviartajucca da jeŭrapiejskich uradaŭ z prośbaj pavialičyć kolkaść dastupnych vizaŭ, niahledziačy na surjoznyja pieraškody.
Krainy Jeŭrasajuza ŭzhadnili zapusk novaj sistemy ŭjezdu i vyjezdu ŭ Šenhienskuju zonu
Polskaje MZS pastrožyła padychody da vydačy humanitarnych viz biełarusam
Na vizu pa karcie palaka ŭ Minskaj konsulskaj akruzie ciapier možna zapisacca pa elektronnaj pošcie
Minčuki atrymali bałharskuju šenhienskuju vizu, ale za dzień da pajezdki jaje anulavali
Kiraŭnik vizavaha ahienctva patłumačyŭ u sacsietkach «adkul takija ceny na zapis na vizu»
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek19
Kamientary
Italija - čas ad pačatku pracesu ad atrymańnia vizy na siońnia 8-12 miesiacaŭ, Francyja - tolki pa zaprašeńniach ad svajakoŭ, Hiermanija - čas čakańnia pad 12 miesiacaŭ. "Mohuć atrymać". Kab toj Kučynski tak zaŭsiody vizy atrymlivaŭ...