Дзяржсакратар ЗША абвясціў аб радыкальным скарачэнні дапамогі па USAID пасля шасцітыднёвай інспекцыі.
ЗША скарачаюць 83% праграм Агенцтва па міжнародным развіцці (USAID). Будуць адменены 5200 кантрактаў па міжнароднай дапамозе.
Пра гэта заявіў дзяржаўны сакратар ЗША Марка Рубіа ў твітары.
«Пасля шасцітыднёвага агляду мы афіцыйна адменім 83% праграм USAID. 5200 кантрактаў, якія цяпер ануляваныя, патрацілі дзясяткі мільярдаў долараў такім чынам, які не служыў (а ў некаторых выпадках нават шкодзіў) асноўным нацыянальным інтарэсам ЗША», — напісаў Рубіа.
Астатнія 18% праграм будуць перададзены ў кіраванне Дзярждэпартаменту. Рубіа падзякаваў Дэпартаменту эфектыўнасці ўрада, які ўзначальвае Ілан Маск, за супрацоўніцтва ў «дасягненні гэтай даўно наспелай і гістарычнай рэформы».
USAID — гэта незалежнае агенцтва з уласным бюджэтам, якое адказвала за кіраванне амерыканскімі праграмамі знешняй дапамогі і развіцця.
Агенцтва было створана ў 1961 годзе пры адміністрацыі прэзідэнта Джона Ф. Кенэдзі і стала гуманітарным падраздзяленнем урада ЗША. Штогод яно выдзяляе мільярды даляраў на барацьбу з беднасцю, лячэнне хвароб, ліквідацыю наступстваў голаду і стыхійных бедстваў. Акрамя таго, USAID «садзейнічае пабудове дэмакратыі і развіццю грамадства», падтрымліваючы няўрадавыя арганізацыі, незалежныя СМІ і сацыяльныя ініцыятывы.
У 2023 годзе USAID патраціла каля 38,1 мільярда даляраў на свае праекты, што складае каля 0,6% усіх дзяржаўных выдаткаў ЗША (6,1 трыльёна даляраў).
З прыходам да ўлады Трамп абвінаваціў USAID у карупцыі і загадаў замарозіць амаль усю замежную дапамогу ЗША, заявіўшы, што яго адміністрацыя перагледзіць выдаткі, каб упэўніцца, што грошы размяркоўваюцца ў адпаведнасці з яго знешняй палітыкай «Амерыка вышэй за ўсё».
Цяпер чытаюць
Лосік расказаў, як Бабарыку катавалі ў наваполацкай калоніі26
Лосік расказаў, як Бабарыку катавалі ў наваполацкай калоніі
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х1111
«Як Вольскі прыходзіў з ператрусам да Коласа, а Крапіва і Глебка даносілі на калег». Апублікаваныя жахлівыя ўспаміны Рыгора Бярозкіна пра рэпрэсіі 1920—1940-х11
Сумленне, каханне, колы пекла і галівудскі фінал. У сям’і будаўніка і бібліятэкаркі з Пружанскага раёна Ігара і Юліі Лаптановічаў арыштавалі спачатку яго, пасля — яе, а пасля і бабулю44
Каментары